"Қазақстандық делегацияны ауыл шаруашылығы министрі Сапархан Омаров бастап барады. Мұсылман елдері ауыл шаруашылығы министрлері бас қосатын кездесуде негізгі азық-түлік қауіпсіздігі мәселелерін талқылайды. Тәжірибе алмасу, инвестицияларды дамыту және технологиялар трансфертін енгізе отырып, ұзақ мерзімде азық-түлік қауіпсіздігін дамыту мен нығайту үшін ұжымдық алаң құру мақсатында нақты шаралар қабылдайды", – деді ҚР сыртқы істер министрлігінің ресми өкілі Айбек Смадияров.
"Бас Ассамблеяның төрағасы мен төрағасының орынбасары, сондай-ақ тең құқылы аумақтық өкілдік қағидаттары негізінде осы ұйымның бас директоры және атқарушы кеңестің мүшелері сайланады", – деді Айбек Смадияров.
Қазіргі кезде құрамында 33 мүшесі бар Азық-түлік қауіпсіздігі жөніндегі ислам ұйымы 2011 жылы ҚР Тұңғыш Президенті – Елбасы Нұрсұлтан Назарбаевтың бастамасымен осы елдердің азық-түлік қауіпсіздігі мәселелерін қамтамасыз етуге байланысты кең ауқымды мәселелерді шешу үшін құрылған. Штаб-пәтері Нұр-Сұлтан қаласында.
Нұржан Көшкін
