Мысыр 2024 жылдың қаңтарынан бастап кемелердің барлық түрлері үшін Суэц каналы арқылы өту құнын 15%-ға арттырады. Бұл туралы "Мұнай және Капитал" хабарлайды, деп жазады inbusiness.kz.
Қазіргі уақытта Суэц каналы әлемдегі бар теңіз жүк тасымалының 12%-ына жауап береді, ол арқылы мұнайдың ірі көлемі тасымалданады және ТМД әлемдік экспортының 8%-ы өтеді.
"Канал Мысырға жылына шамамен $7 миллиард пайда әкеледі, бірақ оның тиімділігіне қатысты бірнеше сұрақтар бар. Өйткені су артериясы қазіргі заманғы кемелер үшін өте тар, сонымен қатар кейбір жерлерде таяз, салдарынан апаттар жиілей түсті. Мысалы, 2021 жылдың наурызында Эвер Гивен контейнерлік кемесі бүкіл каналды жауып тастап, үлкен кептеліс тудырды. Кемелер бірнеше күн бойы не ары, не бері өте алмай қалды. Бір жылдан кейін тағы бір танкер сол жерде тұрып қалды, алайда осы жылы оны судан тезірек алып шықты", — делінген "Мұнай және Капитал" хабарламасында.
