Үкімет отырысында елдегі инфляцияның себептерін түсіндірген Ерболат Досаев Еуразиялық экономикалық одақта жаңа талаптардың енуі азық-түлік бағасын қымбаттатқанын мәлім етті.
"Азық-түлік тауарлары бір жылда 9,7%-ға қымбаттады. Нан-тоқаш өнімдері мен жарма бағасының 15,5%-ға, ет және ет өнімдерінің 13,4%-ға, балық пен теңіз өнімдерінің 12,2%-ға өсуі ерекше байқалады. Ақылы қызметтердің тарифтері жылдық көрсеткіш бойынша 0,6%-ға өсті. Халық кірісінің ұлғаюы аясында ішкі сұраныстың өсуі және фискалдық ынталандырудың сақталуы инфляцияның өсуі үшін негізгі тәуекелдер болып қалуда. Қысқа мерзімді кезеңде азық-түліктің кейбір түрлері, атап айтқанда дәнді-дақылдардың, сондай-ақ ЕАЭО шеңберінде жаңа талаптардың енгізілуі сүт өнімдерін қымбаттатты. Оның әсерінен ет пен нан қымбаттауы мүмкін. Осы жылдың соңына дейін инфляция деңгейі 5,5-5,7% болады деп бағаланады", – деді Ұлттық банк басшысы.
Есімжан Нақтыбайұлы
