НАСА ғарышкерлері Шейн Кимброу мен Пегги Уитсон ғарыш орбитасынан Қазақстан Тәуелсіздігінің 25 жылдығымен және екі ел арасында дипломатиялық қатынастардың орнағанына 25 жыл толуымен құттықтады, деп хабарлайды Алматыдағы АҚШ консулдығы.
Бейсенбі күні таратылған ақпаратқа сәйкес, 3 желтоқсанда, ХҒС бортында бортинженер П.Уитсон АҚШ пен Қазақстан арасында дипломатиялық қатынастар орнауының мерейтойына арналған "25 жыл біргеміз" ұранын көтерді.
Дәл сол күні командир Ш.Кимброу қолына #USKZ25 хэштегін бейнелеп түскен суретін жариялады. Аталмыш хэштег 2016 жыл бойы 2 мыңнан артық пайдаланылған. Оған себеп – қазақстандықтар мен америкалықтар екіжақты достық қатынастардың 25 жылдың атап өтуде.
Қазақстандағы АҚШ-тың дипломатиялық миссиясы екіжақты қатынастардың орнауына жоғары бағалап, екі ел үкіметтері арасындағы ғарышты игеру, ғылым мен технология, энергетика және басқа да салалардағы жалғасып келе жатқан ынтымақтастықты қолдайды, деп атап өтілген хабарламада.
