"Біз ресейлік әріптестермен кәсіби қарым-қатынасты жоғары бағалаймыз", – деді ол Crew-5 миссиясының аясында Crew Dragon кемесінің ұшырылуы алдындағы баспасөз мәслихатында.
Бұл кемеде ресейлік ғарышкер Анна Кикина NASA мен “Роскосмос” арасындағы ұшу бағдарламасы аясында ХҒС-ға барады. Людерстің айтуынша, NASA "қиын геосаяси жағдайға қарамастан, біздің қарым-қатынасымыздағы тұрақтылықты шынымен бағалайды".
NASA өкілдері "Роскосмос" ортақ ұшу бағдарламаларын қолдауды жалғастырады деп үміттенеді, деді ХҒС американдық бағдарламасының жетекшісі Джоэль Монталбано баспасөз мәслихатында.
Оның айтуынша, NASA өкілдері 3 қазанға жоспарланған Crew Dragon кемесін ұшыруға дайындық кезінде Роскосмостың бас директоры Юрий Борисовпен келісуге мүмкіндік алды.
Монталбано Ресей мемлекеттік корпорациясының басшысы "Роскосмостың" барлық халықаралық міндеттемелерін орындауға", сондай-ақ "ортақ ұшу бағдарламаларын қолдауға дайын" екенін хабарлағанын жеткізді.
"Жалпы Роскосмос осы миссияға дайындық барысында үлкен қолдау көрсетті. Алдағы уақытта да ресейлік әріптестерден қолдау күтеміз", – деп қорытындылады ХҒС американдық бағдарламасының жетекшісі.
Динара Мұрат
