Ұлыстың Ұлы күнінде мерекелелік іс-шаралардың басым бөлігі, облыс орталығының Орталық алаңында өткізілді. Мұнда жеті ауылға бөлінген киіз үйлерде қалалықтар ұлттық тағамдардан дәм татып, қазақтың салт-дәстүрлерімен танысуға мүмкіндік жасалды, деп хабарлайды pavlodarnews.kz.
11.00-ден 15.00-ге дейін қазақстандық эстрада жұлдыздарының концерті мен жергілікті дарынды әртістер өз өнерін паш етті. Оған қоса Орталық жағалау маңында спорттық ойындар ұйымдастырылды. Жарысқа кез келген адам қатыса алды.
Айта кетейік, 2019 жылғы Наурыз мейрамы кезінде қаламызда "Үздік ұлттық киім", "Үздік киіз үй", "Бауырсақ" секілді байқаулар өткізілді. Байқаулардың мақсаты ұлттық салт-дәстүрлерді насихаттап, дәстүрлі тағамдарды жаңғырту. Мысалы, "Бауырсақ" конкурсына – 40 ұйым, "Үздік киіз үй" байқауына – 60 ұйым, ал "Үздік ұлттық киім" сынына 70 ұйым қатысты.
