Канадалық режиссер Даниэль Роар түсірген "Навальный" деректі фильмі "Үздік деректі толықметражды фильм" номинациясы бойынша "Оскар" кино сыйлығының қысқа тізіміне енді, деп хабарлайды Inbusiness.kz "Америка дауысына" сілтеме жасап.
Қазіргі уақытта бас жүлдеге үміткерлер тізімінде 15 деректі фильм бар. Оскар сыйлығымен марапаттау салтанатты рәсімі 2023 жылдың 12 наурызына жоспарланған.
"Навальный" фильмінің тұсаукесері қаңтарда кесілді. Картинада ресейлік оппозиционердің 2020 жылдың тамызында улануымен байланысты оқиғалар, соның ішінде Германиядағы Навальныйды емдеу мен оңалту кезеңі, оның болған оқиғаны тергеуге тырысуы, сондай-ақ Мәскеуге оралған бойда саясаткердің тұтқындалуы туралы баяндалады.
Қаңтар айының соңында деректі фильм американдық Sundance тәуелсіз кинофестивалінде көрермендердің пікірінше үздік фильм сыйлығын жеңіп алды. Кейінірек "Навальный" фильмінің көрсетілімі американдық CNN телеарнасында, британдық BBC Two телеарнасында және HBO Max стримингтік қызметінде өтті. Ресейде кинотуынды көрсетілмеді.
