Бүгін Алматы қалалық мәслихатының сессиясында Фурманов көшесіне елбасының аты берілетіні туралы шешім қабылданған болатын. Осыған байланысты әкімдік қала тұрғындарына қиындық тудыратын ешқандай арнайы рәсімдер болмайды. Көше аты базада өзгергеннен соң, барлық керекті анықтамаларды электрондық үкімет порталынан ЭЦҚ-мен немесе ХҚКО-дан бұрынғыша алуға болады, деп хабарлайды zakon.kz.
"Азаматтарға ешқайда барып, ешнәрсе өзгертудің қажеті жоқ. Адамдар мекен-жай анықтамасын алғанда, бірден жаңа көшенің атауы көрсетіліп тұрады. Тұрғындарға еш алаңдаудың қажеті жоқ, барлық процесс автоматты түрде өтеді", - дейді мемкорпорациядан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
