/img/tv1.svg
RU KZ
Hang Seng 23 182,08 KASE 2 209,51
FTSE 100 5 415,50 РТС 1 049,88
DOW J 21 056,82 Бидай 551,40
Негізгі капиталға салынған инвестициялар 18 ірі қалада 1,5 есе артты – Руслан Дәленов

Негізгі капиталға салынған инвестициялар 18 ірі қалада 1,5 есе артты – Руслан Дәленов

Үкімет отырысында Өңірлерді дамытудың 2025 жылға дейінгі мемлекеттік бағдарламасының жобасы қаралды. 

03 Желтоқсан 2019 11:14 225

Негізгі капиталға салынған инвестициялар 18 ірі қалада 1,5 есе артты – Руслан Дәленов

Фото: primeminister.kz

Бүгінде елімізде 17 өңірде 87 қала мен 6,5 мың ауыл бар. 2015 жылдан бастап урбандалу деңгейі 58,2%-ға дейін өсті. Миллион тұрғыны бар қалалар саны 3-ке жетті. Негізгі капиталға салынған инвестициялар 18 ірі қалада 1,5 есе артты. Ұлттық экономика министрі Руслан Дәленов бүгін үкімет отырысында осындай көрсеткіштерді атады.

Ұлттық экономика министрі атап өткендей, Орталық Азия елдері арасында Қазақстанның урбандалу деңгейі ең жоғары – 58,%, алайда ол Экономикалық ынтымақтастық және даму ұйымы елдеріне қарағанда төмен. Ол елдерде бұл көрсеткіш 77% құрайды. Урбандалу деңгейін 1%-ға арттырғанда, жалпы ішкі өнімнің өсімі 0,12% құрайды. Сәйкесінше, урбандалу деңгейі жоғары болған сайын халықтың табысы да жоғары болады.

Бағдарламаны іске асыру шеңберінде мемлекеттік бағдарламалар, аумақтарды дамыту бағдарламалары, кешенді жоспарлар және стратегиялар синхрондалатын болады. Кешенді іс-шараларды іске асыру есебінен еңбек, қаржы ресурстарының экономикалық шоғырлануына қол жеткізіледі. 

Министрдің айтуынша, ауылдық өндірушілер үшін ауқымды нарық қалыптастырылады, шикізаттық емес жалпы ішкі өнімнің өсуі қамтамасыз етіледі.

inbusiness.kz-ті қараңыз, оқыңыз :

Қазақстандықтар бір күнде 37 млрд теңге жұмсайды

Үкімет пен Ұлттық банк қолма-қол ақшасыз төлем жүйесін дамытады.

24 Қаңтар 2020 11:40 420

Қазақстандықтар бір күнде 37 млрд теңге жұмсайды

Фото: Серікжан Қобыланбаев

Үкіметің кеңейтілген отырысында Ұлттық банк төрағасы Ерболат Досаев ел азаматтары күн сайын 4 миллионнан астам транзакция жасайтынын және 37 млрд теңге жұмсайтынын жариялады.

«Көлеңкелі экономиканың көлемін азайту мақсатында қолға алынған шаралар нәтиже беріп, 2019 жылы қолма-қол ақшасыз төлем көлемі 2 есе артты. Халықтың күн сайын 4 миллионнан астам транзакция жасап, 37 млрд теңге жұмсайтыны анықталды. Алайда бұл қазына қаржысының еселенуіне айтарлықтай ықпал еткен жоқ. Үкіметпен және нарыққа қатысушылармен бірлесіп, қолма-қол ақшасыз төлем нарығын дамытудың келесі кезеңіне көшеміз. Бұл үшін нарыққа қатысушылардың перспективалық қажеттіліктерін ескеріп, қолданыстағы жоғары технологиялық және жалпыға қолжетімді төлем инфрақұрылымын жаңғырту бойынша жүйелі жұмыс жүргіземіз»,– дейді Ерболат Досаев. 

Қанат Махамбет

Бензиннің литрі 160 теңге болуы мүмкін

Акциз құнының инфляцияға әсері 0,35%-ды ғана құрайды. 

26 Қараша 2019 12:20 411

Бензиннің литрі 160 теңге болуы мүмкін

Ұлттық экономика министрлігі салық және кеден саясаты департаментінің директоры Азамат Әмрин үкімет отырысында осындай болжам жасады. Акциздің көтерілуі бензин бағасына әсер ететінін бүкпесіз баяндаған департамент директоры:  «Қазіргі таңда бензин бағасының акцизі 8 теңге, бензинің литрі 150 теңге болып тұр. Біз акциз ставкасын 10 500 теңгеден 24 435 теңгеге арттырдық. Осыдан бір литр  бензиннің бағасына 10 теңге қосылады.  Яғни, акциз 8-ден 18 теңгеге көтерілді. Осылайша, баға шамамен 8 пайызға – 150-теңгеден 160 теңгеге көтеріледі. Бұл жерде акциз баға реттеудің негізгі әрі жалғыз фактор емес екенін ескеру қажет», – деді.

Азамат Әмриннің айтуынша, баға 10 теңгеге көтерілмеуі де мүмкін. 

«2015 жылы бағаны 4,5 мың теңгеден бүгінгі 10,5 мың теңгеге өсірдік. Ал 2015 жылы бензин бағасы көтерілген жоқ», – деді ол. 

Оның пікірінше, бұл өзгеріс инфляцияға әсер етеді. 

«Біз инфляцияға ықпал ететін әсерді талдап көрдік. Тұтыну бағасының  индексі тауарлардың 500 түрімен есептелетінін білесіздер. Олардың үшеуі АИ-93, АИ-95, АИ-98 бензиндері. Олардың үлесі 0,6%-ды құрайды. Осыған байланысты инфляцияға 0,35% ғана әсері болады. Яғни ұлттық банк болжаған 4-6%-дық деңгейден аспайды. Қаулы жобасы мемлекеттік органдардың мақұлдауына жолданды. Салалық мемлекеттік органдармен келіскеннен кейін шешім үкімет отырысына жіберіледі. Онда нақты шешім қабылданады», – деді Азамат Әмрин.

Қанат Махамбет

Жаңалықтарға жазылу: