Олар 2021-ші жылы басталған кірісті декларациялаудың жалғасы болмақ. Егер жаза тағайындалмаса, декларация тапсырудың нәтижесі болмайды,- дейді антикор өкілі.
Сондай-ақ, байлығы мен табысының арасындағы алшақтық 1 мың айлық есептік көрсеткіштен асса, соның 90 пайызы көлемінде айыппұл салынады. Яғни, 3 млн теңгеден астам айырмашылық болса, санкцияға ілінеді. Одан бөлек, жемқорлыққа жол бергені дәлелденсе, мемлекеттік қызметкер жұмыстан қуылады. Алайда, қылмыстық жауапқа тарту қарастырылмаған. Жаңа өзгерістер 2027-ші жылдан бастап күшіне енеді.
"Екінші шара - үш жылға мемлекеттік қызметтен шеттету. Егер жылдық табысы мен байлығының арасындағы алшақтық 3 млн теңгеден асса, оған өз табысын дәлелдеуге мүмкіндік беріледі. Біз жазықсыз жандарды жазалаудан аулақпыз. Ол қылмыстық іс орбитасына тартылмайды. Бұл шаралар сыбайлас жемқорлықтың профилактикасы ретінде жүргізіледі", деді Жемқорлыққа қарсы іс-қимыл агенттігі төрағасының орынбасары Ұлан Сарқұлов.
