Непалда 5,3 балдық жер сілкінісі орын алды, деп хабарлайды inbusiness сайты Тасс агенттігіне сілтеме жасап.
Еуропалық-Жерорта теңізі сейсмологиялық орталығының хабарлауынша, жер сілкінісінің ошағы 14 км тереңдікте жатты.
Жер асты дүмпулері Далех қаласынан шығысқа қарай 47 км қашықтықта болды, онда 20,9 мың адам тұрады. Алайда, қираған орындар мен зардап шеккендер туралы қосымша ақпарат жоқ.
ТАСС агенттігінің мәліметтері бойынша, Непалдағы жер сілкінісінен кейін Дели Ұлттық астаналық округінде болған шағын жер сілкіністері жергілікті тұрғындар арасында дүрбелең тудырды. Нью-Делидің кейбір аудандарындағы тұрғын үйлерде люстралар мен төбелік желдеткіштер сәл қозғалып, жиһаздар шайқалды. Ал, адамдар сыртқа жүгірді.
Айта кету керек, Нью-Дели тұрғындарының жер сілкіністеріне алаңдатарлық реакциясы көршілес Гималай мемлекетінде болған тағы бір жер сілкінісіне ілесті. Бұл Непалдың Джаркот ауданында болды. 157 адам сұрапыл табиғат апатының құрбаны болып, 197 адам зардап шекті.
