Енді елімізде жұмысқа орналасар кезде адамның несиелік тарихы тексерілмек. Егер адамның төленбей қалған кредиті анықталса оны жұмыс беруші қабылдамауы мүмкін. Бұл туралы бірінші кредиттік бюроның басшысы Асем Нұрғалиева мәлімдеді.
Оның айтуынша несиелік тарихты тексеру жұмысқа тұрушы адамның келісімімен ғана жасалады. Бұл жерде басты екі талап бар. Біріншісі – несиенің бар жоғы және несиелік тарихтың қандай екені тексеріледі. Қазір мұндай үрдіс кейбір ірі гипермаркеттерде қолданылып келеді екен.
Айта кетсек, бірінші кредиттік бюроның мәліметі бойыншы бүгінгі күні қазақстандықтардың несие бойынша қарызы 6 трлн-нан асқан. Яғни, бір жылдық өсім 15 пайызға тең. Бір адамға шаққандағы орташа кредит көлемі 410 мың теңгеге жуықтаған. Ал, бизнес несиелер болса 17,2 трлн құрайды. Мерзімінен кешіккендердің саны 14,1 % екен. Кепілсіз, автонесие және ипотекалық қарыздарға халықтың сұраныс жоғары.
Мамандардың айтуынша, несиелендіру көлемі артқанымен, қайтарылмаған қарыздар азаймай отыр.
