Тараптар ынтымақтастықтың әр қырлы бағыттарын іске асыру бойынша бірлескен Жол картасын әзірлеуге ниетті, деп хабарлайды inbusiness.kz.
"Кездесу барысында тараптар ҚР-да медициналық жабдықтар өндірісін орналастыру, кардиологияны, Ана мен бала денсаулығын сақтау орталықтарын бірлесіп дамыту, жоғары технологияларды қолдану арқылы инсульт бағдарламаларында қолдау, сондай-ақ денсаулық сақтау жүйесін, оның ішінде электрондық денсаулық сақтауды жаңғырту жобаларындағы әріптестік сияқты бірқатар бағыттар бойынша өзара тиімді ынтымақтастықты талқылады", - делінген хабарламада.
Тараптар алдағы уақытта ынтымақтастықтың жоғарыда аталған бағыттарын іске асыру бойынша бірлескен Жол картасын әзірлемек.
Ажар Ғиният сондай-ақ Royal Philips компаниясының өкілдеріне қазақстандық заңнаманың артықшылықтары мен технологиялар трансферін және өзіндік дәрілік препараттар өндірісін дамытуға мүмкіндік беретін мемлекеттік қолдау шаралары туралы айтып берді.
