Нидерландының солтүстігінде пойыздардың қозғалысы тоқтатылды, деп хабарлайды inbusiness.kz ANP-ға сілтеме жасап.
Нидерландыдағы дауылды жел әуе және теміржол қатынасының бұзылуына әкелді. Амстердамдағы Схипхол халықаралық әуежайының сайтында хабарланғандай, жергілікті уақыт бойынша сағат 15.00-ге дейін (Астана уақытымен 19.00) ағымдағы метеорологиялық болжамдарға байланысты әуе айлағындағы трафик өте шектеулі болады.
"Қатты желдің мен жаңбыр авиакомпаниялардың ұшақтарының қонуы мен ұшуын айтарлықтай шектейді, яғни уақытша рейстер тоқтатылады деген сөз", - деп атап өтті әуежайдың баспасөз қызметі.
Кейінге қалдырылған рейстердің нақты саны ауа-райына байланысты болады, делінген хабарламада. ANP агенттігінің мәліметі бойынша, 300-ге жуық рейс тоқтатылды.
