Компьютерлік ақау Нидерландыда мемлекеттік қызметтерді ұсынатын сервистің, әскери полиция, жағалау күзеті жұмысына тосқауыл болды, деп хабарлайды inbusiness.kz сайты nu.nl. ақпараттық порталына сілтеме жасап.
Оның айтуынша, жағалау күзеті радио мен телефон арқылы байланысқа шыға алмай қалды, ал әскери полицияда байланыс орталығы мүлдем жұмыс істемеді. Белгілі бір мемлекеттік қызметтерге, атап айтқанда, айыппұлдарды төлеуге және коронавирусқа қарсы вакцинацияға жазылуға мүмкіндік беретін онлайн-сервистерді пайдалануда мәселелер туындады.
Өз кезегінде NOS телеарнасы байланыс және шұғыл ескерту жүйелері жаппай істен шыққандығы туралы хабарлады. Хабар тарату корпорациясының мәліметі бойынша, проблемалар P2000 және C2000 жүйелерімен байланысты болуы мүмкін.
