Министр ел экономикасының өсімі 3,1%-ды құрауы мүмкін екенін мәлімдеді, деп хабарлайды inbusiness.kz.
"Жалпы ішкі өнімнің өсу қарқыны қаңтар айындағы минус 4,5%-дан
бірінші тоқсанның қорытындысы бойынша минус 1,6%-ға дейін жақсарды. Жыл басынан бері мұнайдың орташа бағасы барреліне 61 долларды құрады. Дүниежүзілік қаржы ұйымының болжамынша, баға 44-67 доллар шамасында болады. Осыны негізге ала отырып, макрокөрсеткіштерді нақтылау кезінде мұнайдың орташа жылдық бағасы барреліне 50 доллар көлемінде айқындалды", – деді Әсет Ерғалиев.
Министрдің мәлімдеуінше, Дүниежүзілік банк әлемдік экономиканың өсу қарқынын 1,6%-дан 5%-ға дейін болжап отыр.
"Ел экономикасының өсу болжамы 2,8%-дан 3,1%-ға дейін жақсарады деп болжануда. Бұл ретте номиналды жалпы ішкі өнім 77,8 трлн теңге көлемінде бағаланып отыр", – деді Әсет Ерғалиев.
Қанат Махамбет
