Әр елдің өкілетті органдары (СІМ — ред) тиісті құжаттарды тапсырды, деп хабарлайды inbusiness.kz сайты Deutsche Welle-ге сілтеме жасап.
Норвегияның Сыртқы істер министрі Эспен Барт Эйде Брюссельдегі кездесу кезінде Палестина Ұлттық Әкімшілігінің Премьер-министрі Мұхаммед Мұстафаға мақұлдау құжатын тапсырды.
Испания Премьер-министрі Педро Санчес сонымен қатар оның елі 1967 жылғы шекаралары мен Шығыс Иерусалимдегі астанасы бар Тәуелсіз Палестина мемлекетін мойындайтынын мәлімдеді.
Палестинаның тәуелсіз мемлекетін тану туралы Ирландия да мәлімдеді, ол бірнеше күн бұрын Норвегия мен Испаниямен бір уақытта Палестинаның тәуелсіздігін мойындауға ниет білдірді.
Өз кезегінде Израиль премьер-министрі Беньямин Нетаньяху бұған үзілді-кесілді қарсы және Палестина мемлекетін таныған жоғарыда аталған мемлекеттерді айыптады.
