Норвегия королі Харальд V 13 наурыз қарсаңында Сëр-Варангер гарнизонына барды, деп хабарлайды inbusiness.kz Скандинавия елі Қарулы күштерінің баспасөз қызметіне сілтеме жасап.
Аталмыш әскери құраманың негізгі міндеті - Норвегияның Ресеймен шекарасын күзету.
Харальд V-нің Норвегия-Ресей шекарасына сапарының негізгі мақсат-міндеті жарияланбады.
Сëр-Варангер - Норвегияның ең Шығыс нүктесінде, Тромс-ог-Финнмарк фюлкінде (провинциясында) орналасқан коммунасы. Шекараның ар жағында Ресей - Мурманск облысының Печенгег ауданы (бұрынғы 1920-1944 жылдары Фин облысы Петсамо) орналасқан. Шекараның ұзындығы - 196 шақырым (оның ішінде 43 шақырым құрлық пен 153 шақырым өзен). Бұдан басқа мемлекетаралық теңіз шекарасының 23,3 шақырым учаскесі бар.
Өткен аптада Норвегия АҚШ-пен бірлесе отырып, NASAMS әуе шабуылына қарсы қорғаныс жүйелерінің екі бірлігін Украинаға беретіні белгілі болды. Хабарландыру Скандинавия елінің Қорғаныс министрі Бьорна Арильд Грамның Киевке сапары аясында жасалды.
