Тұрақтандыру қоры құрылып, сауда желілерін жеңілдікпен несиелендіру бойынша жұмыстар жүргізілген.
"Айналым схемасы" жобасына "Magnum", "Астықжан", "Кенмарт", "Small", "Шапағат", "Евразия", "Артем", "Биг Шанхай" сияқты сауда орындары қатысады, сондай-ақ ет пен жарма бойынша жеткізушілер анықталды. Дүрлігуге себеп жоқ ,азық - түлік жеткілікті мөлшерде бар",– делінген әкімдік хабарламасында.
Әлеуметтік нан бағасын ұстап тұру үшін де шаралар қарастырылған.
"Тұрақтандыру қорының ұн қоры толықтырылып, қаланың наубайханаларына қолдау көрсетіліп жатыр",– дейді қала басшылығынан.
Сондай-ақ, ауылшаруашылық жәрмеңкелерін өткізу де бағаны ұстап тұруға және өнімді нарықтық бағадан төмен сатуға мүмкіндік бермек.
Ауылшаруашылық жәрмеңкелерінің маусымы "Аспан базар" сауда үйінде басталды, жәрмеңке әр сенбі мен жексенбі күндері сәуір айына дейін өтеді.
