/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 413,08 Brent 36,55
Нұр-Сұлтан көшелерінің біріне Әбіш Кекілбайұлының есімі берілді

Нұр-Сұлтан көшелерінің біріне Әбіш Кекілбайұлының есімі берілді

Бүгін қалада жазушының 80 жылдығына орай бірқатар іс-шара өтеді.

06 Желтоқсан 2019 12:32 480

Нұр-Сұлтан көшелерінің біріне Әбіш Кекілбайұлының есімі берілді

Елорданың сол жағалауында орналасқан жобалық атауы №28 көшесіне Қазақстанның халық жазушысы, қоғам және саясат қайраткері, Қазақстанның Еңбек Ері Әбіш Кекілбайұлының есімі берілді, деп хабарлады қала әкімдігінің баспасөз қызметі.

Елорда әкімі Алтай Көлгінов Әбішев Кекілбайұлының елдің дамуы мен өркендеуіне қосқан үлесін атап өтті.

Айта кетсек, Әбіш Кекілбайұлы Ги де Мопассанның «Жизнь», «Пьер и Жан» романдарын, Шыңғыс Айтматовтың «Ранние журавли» повесін, Уильям Шекспирдің, Антон Чеховтың, Лев Толстойдың және т.б. шығармаларын қазақшаға аударған.

Оның шығармалары әлемнің 13 тіліне аударылды.

Елордада тұрғын үй құрылыс қарқыны 30 пайызға бәсеңдеді

Ең бай өңірлердің қатарына кіретін аймақтарда инфрақұрылымдық жобалар саны артқанымен, оны салу кейіндеуде. 

20 Қыркүйек 2019 17:16 1009

Елордада тұрғын үй құрылыс қарқыны 30 пайызға бәсеңдеді

Индустрия және инфрақұрылымдық даму министрінің бірінші орынбасары Қайырбек Өскенбаевтің айтуынша, бас қаламен қатар Маңғыстау облысының да құрылысы баяулап келеді екен.

Atameken Business тілшісі Жалғас Зейнолла мәселеге не түрткі болғанын баяндайды:

Нұр-Сұлтанда Қазақстан ҰОК Бас Ассамблеясының отырысы өтіп жатыр

Жиынға Ассамблея мүшелері, олимпиадалық спорт түрлері бойынша ұлттық спорттық федерациялардың президенттері қатысып жатыр. Күн тәртібіндегі басты мәселе – Қазақстан Ұлттық Олимпиадалық комитетінің президентін сайлау. 

18 Қыркүйек 2019 16:09 542

Нұр-Сұлтанда Қазақстан ҰОК Бас Ассамблеясының отырысы өтіп жатыр

Фото: olympic.kz

Бүгін Нұр-Сұлтанда Қазақстан Ұлттық Олимпиадалық комитеті Бас Ассамблеясының отырысы басталды, деп хабарлайды Olympic.kz. 

Отырысты Қазақстан Республикасының премьер-министрі Асқар Мамин бастады. 

«Мен басты назарды өскелең ұрпаққа аудару керектігін айтқым келеді. Олардың арасында талантты спортшылар өте көп. Біздің мақсатымыз – оларды тауып, оқытып, әлемдік жарыстарда жүлде алатын дәрежеге жеткізу. Әрбір федерация үшін бұл басты міндет саналады. Сонымен қатар, біз қазақстандық спортшылардың Токио Олимпиадасында сәтті өнер көрсетуіне күш салуымыз қажет. Оған біздің әлеуетіміз жетеді. Құрметті, жиынға қатысушылар. Қазақстан Үкіметі мен ҰОК-тің бірлескен жұмысы арқасында елімізде ірі жарыстар өткізілді. Бұл біздің елде әлемдік турнирлерді абыроймен атқаратынымыздың дәлелі. Келесі жылы еліміздегі спортты дамытуға республикалық бюджеттен 54 миллиард теңге бөлінді. Еліміздегі спорттық инфрақұрылымды дамытамыз. Сөз соңында ҰОК басшысын сайлау өте маңызды оқиға екенін айтқым келеді. Өйткені, еліміздегі спорттың әрі қарайғы дамуы туралы сөз болып отыр. Біздің дұрыс таңдау жасайтынымызға сенемін», – деді Асқар Ұзақбайұлы.