Еліміздегі мектептер қазір онлайн режимде оқып жатыр. Бірақ бастауыш сыныптарда кезекші сыныптар ұйымдастырылғаны мәлім. Сондай-ақ, кейбір жекеменшік білім орындары да дәстүрлі түрде оқуын жалғастырып келеді. Енді Нұр-Сұлтан қаласында коронавирустың өршуіне байланысты барлық мектептер, оқытудың меншік нысанына қарамастан қашықтан оқуға көшуі мүмкін.
"Қазіргі таңда қалада вирус өршіп келеді. Оқушылар мен оқытушылар арасында да COVID-19 инфекциясын жұқтыру көбеюде. Сондықтан мектептерді қашықтан оқыту жүйесіне көшу мәселесін қарастырып жатырмыз. 10 желтоқсандағы жағдай бойынша, аудандық санэпидбақылау басқармаларының бас мемлекеттік санитарлық дәрігерлері 20 мектепті 14 күнге онлайн режимге ауыстыруға қаулы шығарды", - деді Жанна Пралиева.
Қымбат Нұрғали
