/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Нұр-Сұлтан мен Алматыда бір топ адам заңсыз митингке шықты

Нұр-Сұлтан мен Алматыда бір топ адам заңсыз митингке шықты

Қос шаhарда қауіпсіздік күшейтілді.  

06 Маусым 2020 12:19 441

Нұр-Сұлтан мен Алматыда бір топ адам заңсыз митингке шықты

Алматыда 50-ге жуық адам Республика Сарайы мен Абай ескерткішінің жанында жиналды. Қазір бұл аумақты полиция қоршауға алды. 

Жиналғандар карантин талаптарын сақтамауда. Олардың бірқатары бетпердесіз келген, ара қашықтық ережелеріне де бағынбауда. 

Жиналғандар демократиялық реформалар мен сөз бостандығын, бейбіт жиындар ұйымдастыру еркіндігі мен шетелдік инвесторларға берілген меншікті қатару туралы талап қоюда. 

Көпшілік алдына Алматы прокуратурасының өкілі шығып карантин ережелерін бұзбауға шақырды. Сонымен қатар қаланың бұл бөлінінде дезинфекциялық жұмыстар жүріп жатқанын ескертті. 

Әзірге полицейлер жағдайды бақылауда ұстап, ешкімді тұтқындаған жоқ. 

Бұл ретте Алматы әкімдігі митинг туралы ресми хабарлама берілмегенін мәлімдеді. 

«Алматы қаласы қоғамдық даму басқармасы бүгінгі күнге дейінгі жағдай бойынша қала әкімдігіне бейбіт митингтер мен жиналыстар өткізу жөнінде хабарлама берілмегендігі жөнінде ескертеді.  Осыған орай, әлеуметтік желілерде таратылып жатқан митингке шақыру заңсыз болып табылады.

Бүгін қабылданған заң бойынша: қалалық әкімдікке шара өтетін күнге дейін 5 күн бұрын хабарлама берілуі керек, бейбіт жиналыстарды өткізуге тек мамандандырылған арнайы жерлерде ғана рұқсат етіледі», - деп жазды әкімдіктің баспасөз қызметі. 

Соған ұқсас жиындар Нұр-Сұлтанда да болды. Оншақты адам «Қазақ елі» монументі мен Тәуелсіздік сарайының маңына жиналған.

Шымкентте карантин 22 маусымға дейін созылды

Дүйсенбі күнгі жағдай бойынша Шымкентте коронавирус жұқтырғандар саны 956-ке жетті , 420 адам жазылып шықты,  10 адам қайтыс болды. 

08 Маусым 2020 12:42 303

Шымкентте карантин  22 маусымға дейін созылды

«Шымкент қаласының аумағында карантиндік және шектеу шараларын 2020 жылдың 8 маусымынан 2020 жылдың 22 маусымына дейін ұзартылсын», ​​– делінген қаланың бас санитарлық дәрігері Әбдіманап Төлебаевтың бұйрығында.     

Құжатқа сәйкес, қала тұрғындары, ұйымдар мен кәсіпорындардың басшылары халыққа қызмет көрсету кезінде маска, қолғап киюге, антисептиктерді қолдануға, қоғамдық орындарға барған кезде, оның ішінде қазіргі уақытта қызметіне рұқсат етілген қоғамдық көліктер мен объектілерде болған кезде әлеуметтік қашықтықты сақтауға қатысты талаптарды қатаң сақтауы керек.     

Қаладағы қозғалыс бұрынғыша шектелген.       

Бас санитарлық дәрігердің бұйрығы бойынша кәсіпкерлік субъектілері мен ұйымдар санитарлық және карантиндік талаптардың сақталуын қатаң бақылауды қамтамасыз етуі керек.

Бетперде тақпаған азаматтарға  қоғамдық көлікте жүруге рұқсат етілмейді, ал автобустардың қозғалысы жолаушылар тасымалы ескеріле отырып қамтамасыз етіледі.

Сонымен бірге, билік органдарына денсаулық сақтау және білім беру мекемелерінде, оның ішінде ҰБТ кезінде де карантиндік және санитарлық-эпидемияға қарсы талаптардың жоғарылауын қамтамасыз ету тапсырылды. Шомылу мен демалу орындарында жаппай көп жиналудың алдын алу үшін, сондай-ақ жеке үйлерде, ойын алаңдарында, аулаларда және басқа жерлерде жаппай оқиғалардың алдын алу үшін шаралар қабылдау қажет.       

Бұл қаулы бүгін, 8 маусымнан бастап күшіне енді.

Қызылордада 47 мың кәсіпкерлік нысанның жұмысы қайта жанданды

Кәсіпкерлерге 6,5 млрд теңгеге жуық жеңілдік берілген

07 Маусым 2020 07:44 1749

Қызылордада 47 мың кәсіпкерлік нысанның жұмысы қайта жанданды

Аймақта коронавируске орай күшейтілген шектеуге орай кәсіпкерлік нысандарының 42%-ы, жұмысшылардың 47%-ы жұмыстарын тоқтатуға мәжбүр болған еді. Карантин режимі жеңілдетіліп, кәсіпкерлік саласы кезең-кезеңімен жұмыстарына кірісті.  

«Төтенше жағдай уақытында отандық тауар өндірушілерді сертификациялау жұмыстары тоқтаған жоқ, осы кезеңде 316 сертификат берілді. Ал көктемгі дала жұмыстарына қаржы институттары «Кең Дала», «Агробизнес», «Қарапайым заттар экономикасы» бағдарламалары бойынша 62 несиеленушіге 1,4 млрд. теңге қаражат берді. Және ауыл шаруашылығы саласын субсидиялауға биылға 10,9 млрд. теңге қарастырылса, бүгінде 513 ауыл шаруашылығы тауар өндірушілеріне 2,9 млрд. теңге субсидия төленді», – деді өңірлік кәсіпкерлер палатасы басшысы.

Үкімет тарапынан шағын және орта кәсіпкерлікті қолдау мақсатында өңірде салық және кеден, әлеуметтік төлемдер бойынша берешегі бар 25 мыңға жуық субъектінің банк шоттарына қойылған шектеулер кері қайтарылса, жалға алынған мүліктер құнын кәсіпкерлерден 3 айға босату туралы 23,9 млн теңгеге қосымша 308 келісім жасалынған екен. Сонымен қатар ШОБ нысандарының банктер мен қаржы ұйымдарынан алған 1 990 несиесі үш айға шегерілген.

Бүгінгі күні күшейтілген санитарлық режимде 47 мыңға жуық кәсіпкерлік нысанында 90 мыңнан аса адам жұмысын қайта бастады.

Ал, Үкіметтік қаулылар негізінде облыста салықтар мен төлемдерден бизнес нысандары 6,5 млрд. теңге көлемінде жеңілдік алған.

Бұл жайында Кәсіпкерлер палатасының Facebook әлеуметтік желісінде кәсіпкерлер сауалына онлайн жауап берген Қызылорда облысы бойынша мемлекеттік кірістер департаментінің басшысы Ғалымжан Орыновтан білдік.

Оның айтуынша, 20 наурыздан 31 желтоқсанға дейін, алаңы 2000 шаршы метрден кем емес 29 ірі сауда нысаны, 3 ойын-сауық орталығы, 2 театр, 2 көрме залы, 8 спорт құрылыс жайлары мүлікке салынатын салыққа «0» коэффициент мөлшерін қолданады. Сонымен қатар, 37 ауылшаруашылық өнімін өндірушілер жер салығынан босатылған. Сондай-ақ, 1 сәуір мен 1 қазан аралығында әуежай терминалы, 20 жеке практикамен айналысатын тұлға, 201 қоғамдық тамақтандырумен, 43 қонақүй қызметімен айналысатын кәсіпкерлер мүлік салығынан босатылған.

«Осы жеңілдіктерді қолдану арқылы бүгінгі таңда облыс кәсіпкерлері 119,7 млн. теңге мүлік, жер салықтарынан, мұнымен қоса 8427 шағын және орта бизнес өкілдері еңбекақы төлеу қорынан ұсталатын салықтан, әлеуметтік төлемдерге қатысты жеңілдіктерді қолдану арқылы босатылды. Нәтижесінде бизнес өкілдері 1 млрд 79 млн теңге, әлеуметтік төлемдерден 1 млрд 853 млн теңге, 7 ірі кәсіпкерлік субъектілері еңбекақыдан ұсталатын салықтан 8,1 млн теңге, әлеуметтік төлемдерден  103,3 млн. теңге қаржысын үнемдеп отыр, - деді департамент өкілі.

Нұрбек Дәуренбеков