"Омбы губернаторы Александр Бурков Петербург экономикалық форумының алаңында Росавиация басшысы Александр Нерадькомен бұл шаруаны талқылады. Қазақстанның қалаларына Омбыдан шығатын әуе рейсін қалпына келтіру мәселесі пысықталды. Пандемия басталғалы бір жылдан бері Омбы мен Қазақстан арасында әуе рейсі тоқтап қалған. Бұрын Нұр-Сұлтан мен Омбы арасында тұрақты рейс болатын. Бурков бүгін Омбы мен Нұр-Сұлтан қалаларының арасындағы әуе рейсін қалпына келтіру бойынша Қазақстанның ұлттық тасымалдаушысымен алдын ала келісп қойды",– делінген хабарламада.
Бурков стратегиялық маңызды бағытты қолдау, сонымен бірге 2022 жылы халықаралық әуе рейстерінің жаңа желілерін ашу мүмкіндігі үшін Нерадькодан көмек сұраған.
"Алдағы уақытта Омбы – Павлодар мен Омбы – Петропавл бағытындағы әуе рейстерін ұшыру мәселесі де қаралуда", – делінген хабарламада.
Аян Бекенұлы
