/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Нұр-Сұлтанда 10 жылдан бері бос жатқан жерге гүлзар салынуда

Нұр-Сұлтанда 10 жылдан бері бос жатқан жерге гүлзар салынуда

Биыл 150-ге жуық аула мен 50 қоғамдық кеңістік (саябақтар мен гүлзарлар) абаттандырылады. 

06 Маусым 2020 17:50 174

Нұр-Сұлтанда 10 жылдан бері бос жатқан жерге гүлзар салынуда

Апаттық жағдайдағы күрелген үйдің 10 жыл бойы бос жатқан орнына жаңа гүлзар салынып, аула алаңы абаттандырылуда.

Нұр-Сұлтанның барлық аудандарында аулалар мен аулаішілік аумақтарда абаттандыру жүріп жатыр, деп хабарлайды елорда әкімдігінің ресми сайты.

Күрелген апаттық жағдайдағы үйдің орнында (Есенберлин көшесі, 36 үй) қазір жақын маңайдағы үйлердің тұрғындарына арнап жаңа аула салынуда. Алаң бірнеше аймаққа бөлінген: балаларға арналған ойын алаңы, мини-футбол пен баскетбол үшін спорт алаңы, жаттығу құралдары бар спорт алаңы, сондай-ақ мүмкіндігі шектеулі азаматтар үшін және серуендейтін жер бар. Бұған қоса жобада көлік тұрағы ескерілген.  

10 жылдан бері бос жатқан жерде (Сарыарқа даңғылы, 23) жақын арада жаңа гүлзар пайда болады.  

Алматының 948 ескі үйі 2030 жылға дейін сүріледі

Осы жұмыстарды жүргізуге қазынадан 17,7 миллиард доллар бөлу жоспарланып отыр.  

17 Қазан 2019 18:25 491

Алматының 948 ескі үйі 2030 жылға дейін сүріледі

Бүгін Тұрғынүйқұрылысжинақ банкі осындай ескі үйдің орнына салынған «Жандосов» тұрғын үй кешеніне баспасөз турын өткізді.

Баспасөз туры барысында БАҚ өкілдерінің сұрақтарына жауап берген «Күрделі құрылыс кәсіпорны» ЖШС бас директоры Әділ Бүрлібаевтың айтуынша, 1921-1962 жылдары салынған, 25 жыл бойы жөндеу жасалмаған үйлер сүріледі.  Олар негізінен Түркісіб, Бостандық, Алмалы аудандарында орналасқан.

«Оларды қандай реттілікпен сүрілетінін айту қиын. Келесі жылы біз ecкі үйлерді бұзуды Скрябин-Райымбек көшесінен бастаймыз. Тұрғындардың келісімімен оларды басқа баспанамен қамтимыз.  Үш үй көшіп болды, тағы үш түрғын үйді көшіреміз. Қалған аудандарда келіссөз жүріп жатыр», – деді Әділ Бүрлібаев.

Алматы қаласында 2012 жылдан бастап 65 ескі үй сүріліп, тұрғындары жаңа үйге қоныстанған. Олардың көпшілігі екіқабатты, құлау алдында тұрған пәтерлер еді. Алайда тұрғындар оған қарамастан үйін тастаудан бас тартып, қомақты ақы төлеуді талап еткен екен.

«Мұның бәрін келіссөз арқылы шешеміз. Үйіңді тастап шық деген түсінік жоқ. Әркім өз үйін хабарландыру сайтындағы бағамен сатқысы келеді. Алайда бағалау жүргізгенде оның құны басқаша болып шығады. Мәскеулік тәжірибемен үйді тәркілеуге болушы еді, бірақ қазір ол мәселе зерттеліп жатыр»,  – дейді компания басшысы.

Ескі үй сүріліп, уақытша баспанаға көшкен тұрғындарға бөлме санына қарамастан 10 шаршы метр тегін беріледі. Ал қалған бөлігін сату құнымен жалдап тұра алады.  Сонымен қатар уақытша баспанада тек коммуналдық қызмет ақысын төлеп тұра беруге де  болады. Жаңа үй уақытында пайдалануға берілмесе, уақытша үй тұрғынның меншігіне өтеді.

Нұр-Сұлтанда Қазақстан ҰОК Бас Ассамблеясының отырысы өтіп жатыр

Жиынға Ассамблея мүшелері, олимпиадалық спорт түрлері бойынша ұлттық спорттық федерациялардың президенттері қатысып жатыр. Күн тәртібіндегі басты мәселе – Қазақстан Ұлттық Олимпиадалық комитетінің президентін сайлау. 

18 Қыркүйек 2019 16:09 496

Нұр-Сұлтанда Қазақстан ҰОК Бас Ассамблеясының отырысы өтіп жатыр

Фото: olympic.kz

Бүгін Нұр-Сұлтанда Қазақстан Ұлттық Олимпиадалық комитеті Бас Ассамблеясының отырысы басталды, деп хабарлайды Olympic.kz. 

Отырысты Қазақстан Республикасының премьер-министрі Асқар Мамин бастады. 

«Мен басты назарды өскелең ұрпаққа аудару керектігін айтқым келеді. Олардың арасында талантты спортшылар өте көп. Біздің мақсатымыз – оларды тауып, оқытып, әлемдік жарыстарда жүлде алатын дәрежеге жеткізу. Әрбір федерация үшін бұл басты міндет саналады. Сонымен қатар, біз қазақстандық спортшылардың Токио Олимпиадасында сәтті өнер көрсетуіне күш салуымыз қажет. Оған біздің әлеуетіміз жетеді. Құрметті, жиынға қатысушылар. Қазақстан Үкіметі мен ҰОК-тің бірлескен жұмысы арқасында елімізде ірі жарыстар өткізілді. Бұл біздің елде әлемдік турнирлерді абыроймен атқаратынымыздың дәлелі. Келесі жылы еліміздегі спортты дамытуға республикалық бюджеттен 54 миллиард теңге бөлінді. Еліміздегі спорттық инфрақұрылымды дамытамыз. Сөз соңында ҰОК басшысын сайлау өте маңызды оқиға екенін айтқым келеді. Өйткені, еліміздегі спорттың әрі қарайғы дамуы туралы сөз болып отыр. Біздің дұрыс таңдау жасайтынымызға сенемін», – деді Асқар Ұзақбайұлы.