DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 311,62 Brent 36,55
Нұр-Сұлтанда «Алын алқа» мен «Күміс алқа» алған 8 мыңға жуық ана тұрады

Нұр-Сұлтанда «Алын алқа» мен «Күміс алқа» алған 8 мыңға жуық ана тұрады

Қазақстанда «Алтын алқа», «Күміс алқа» алқаларымен, «Ана даңқы» ордендерімен марапатталған, бұрын «Батыр ана» атағын алған 235 мыңнан астам көпбалалы ана бар.

17 Мамыр 2019 17:53 368

Нұр-Сұлтанда «Алын алқа» мен «Күміс алқа» алған 8 мыңға жуық ана тұрады

Еңбек және халықты әлеуметтік қорғау министрі Бердібек Сапарбаев «Алтын алқа» және «Күміс алқа» алқаларымен марапатталған көпбалалы аналармен кездесу өткізді, деп хабарлайды ведомствоның баспасөз қызметі.

Кездесуге қатысқан көпбалалы аналар «Бақытты отбасы» бағдарламасы аясында тұрғын үй жағдайын жақсарту, жалпы білім беру қоры аясындағы қолдау, санаториялық-курорттық емдеу, медициналық қызмет көрсету, соның ішінде стоматологиялық қызмет көрсету және басқа да мемлекеттік қолдау шараларын алу туралы сұрақтар қойды.

Сол жерде консультация мен барлық сұрақтар бойынша түсініктеме берілді. Еңбек министрлігінің басшылары ведомство құзыретіне кіретін мәселелерді шешуді жеке бақылауға алды.

Әкімдіктердің мәліметінше, 2019 жылы 287 мың бала мектептерде тегін тамақпен, 553 мың адам тегін жол жүрумен, 219 мың оқушы мектеп формасымен және керек-жарақтармен, 30 мыңға жуық бала балабақшаларда орынмен қамтамасыз етіледі, 186 мың бала лагерьге жолдама алады, 460 мыңнан астам адам бір жолғы көмек алады, 5 мың АӘК алушы жұмыспен қамтылады, 5 мың адам тұрғын үй құрылыс жинақтары жүйесі арқылы тұрғын үй жағдайын жақсартады. Жалпы әлеуметтік көмектің барлық түрлерімен 83,1 млрд теңгеге 821 мың адамды қамту жоспарлануда.

Биылғы 1 мамырдағы жағдай бойынша Қазақстанда «Алтын алқа», «Күміс алқа» алқаларымен, «Ана даңқы» ордендерімен марапатталған, бұрын «Батыр ана» атағын алған 235 мыңнан астам көпбалалы ана бар. Оның 4787-сі Нұр-Сұлтанда тұрады.

Тегтер:

Күміс алқа

inbusiness.kz-ті қараңыз, оқыңыз :

Атырауда мереке қарсаңында аналар «Алтын алқа» және «Күміс алқамен» марапатталды

Бүгінде мұнайлы өңірде 16 485 көпбалалы ана тұрады. 

08 Наурыз 2019 13:45 565

Атырауда мереке қарсаңында аналар «Алтын алқа» және «Күміс алқамен» марапатталды

Халықаралық әйелдер мерекесі қарсаңында атыраулық 7 ана «Алтын алқа» және «Күміс алқа» иегері атанды, деп хабарлайды 24.kz.

Бүгінде мұнайлы өңірде 16 485 көпбалалы ана тұрады. Олардың ішінде 2035 отбасы атаулы әлеуметтік көмек алады. Еңбекке қабілетті 1500-ден астам ана тұрақты жұмыспен қамытылған.

Өңірде биылдан бастап көпбалалы әрбір отбасының жеке әлеуметтік картасы жасақталды. Сол дерек бойынша күн көрісі төмен деп танылған отбасылардағы әр балаға 20 789 теңге кепілдік көмек ретінде төленеді. Бұл мақсатқа 677 миллион теңге қаржы бөлінген.

Қостанай облысында 6,5 мың ана «Алтын алқа» және «Күміс алқаның» иесі

Сондай-ақ, өңірдегі 27196 кәсіпорын мен ұйымды 25 мыңнан астамын әйел басқарып отыр.

07 Наурыз 2019 14:52 375

Қостанай облысында 6,5 мың ана «Алтын алқа» және «Күміс алқаның» иесі

Қостанай облысында 6500 әйел «Алтын алқа» және «Күміс алқа» алқамен марапатталған. Бұл туралы облыс әкімі Архимед Мұхамбетов 8 наурыз мерекесіне орай өткізген салтанатты жиналыста айтты, деп хабарлайды egemen.kz.

«Сіздердің әр күніңіз ерлікке татиды. Басқасын былай қойғанда, Қостанай облысында 6500 ана «Күміс алқамен», «Алтын алқамен» марапатталғанын, 5000 нан аса отбасы көпбалалы екенін айтсақ та жеткілікті. Ал отбасы – кез келген мемлекеттің іргетасы», – деді Архимед Бегежанұлы.  

Е.Өмірзақов атындағы облыстық филармонияға облыс өңіріндегі көп балалы аналар, бизнестегі, өнердегі және экономика мен әлеуметтік саладағы еңбек майталмандары, ардагерлер жиналды.

Әйелдер бизнесте де, өнерде де, жалпы облыс экономикасының, әлеуметтік саласының дамуына ерлермен бірдей атсалысып отыр. Өңірде әйелдер кәсіпкерлігі дамып келеді. Облыстағы 27196 кәсіпорын мен ұйымды  25 мыңнан астамын әйел басқарып отыр.

Жаңалықтарға жазылу: