Нұр-Сұлтан қалалық денсаулық сақтау басқармасының басшысы Сәуле Қисықова елорданың эпидимиологиялық ахуалына қатысты мәлімдеме жасады.
"Қазіргі таңда қалалық ауруханаларда 1 022 науқас ем қабылдап жатыр. Соңғы ақпаратқа сәйкес, елорда да 1 287 адам коронавирус инфекциясын жұқтырған. Науқастардың 62% – ер, 38% – әйел адам. Коронавирус жұқтырғандардың 76% –18-49 , 16% – 50-69 жас аралығындағы азаматтар. 70 жастан асқан азаматтар - 2%-ды, балалар - 6%-ды құрады. 84 науқас 18 жасқа толмаған", – деді ол.
Басқарма басшысының баяндауынша, науқастардың 47% жазылып, екі апталық үй карантиніне жіберілген.
"10 науқас тұрақты ауыр халде жатыр. Оның екеуі жасанды өкпе желдеткішіне қосылған. Қалған науқастардың халі қанағаттанарлық жағдайда", – деді Сәуле Қисықова.
Қанат Махамбет
Фото: labuda.blog
