"Індеттің алғашқы толқыны кезінде біздің жұмыс тобымыз дәрі-дәрмек жетіспеушілігіне байланысты 119 дәріханаға мониторинг жүргізді. Осылайша шілде, тамыз айларында жалпы сомасы 2 млн 180 мың теңгеге 13 хаттама толтырылды. Бұл жұмыстарға фрамацевтикалық бақылау бойынша арнайы мамандарды тарттық. Бұған қоса, "СК-Фармация" жұмысын қадағалап, жаңа басшылығымен келісімге келдік. Бұл бүгінде екі айға жеткілікті дәрі-дәрмек қорын қалыптастыруға мүмкіндік берді", – деді спикер.
Сондай-ақ, Шыңғысхан Қожахметов қоймаларда бұрыннан тұрған препараттардың барлығы медициналық мекемелерге үлестірілгенін жеткізді.
"Бұл медициналық мекемелерде дәрі қорын қалыптастыруға септігін тигізеді. Сонымен қатар "СК-Фармация" қоймаларында қосымша дәрі-дәрмек қабылдау мүмкіндігі туады", – деді спикер.
Құралай Құдайберген
