Елордада жер үй тұрғындары газға қосуға өтінімдер жіберуде. Мәселен, Нұр-Сұлтанда мыңыншы абонент тіркелді.
Қазір Көктал-1, Көктал-2, Теміржолшылар, Агроқалашық (бір бөлігі), Промышленный және Оңтүстік-Шығыс елді мекендерінің тұрғындары қосылу мүмкіндігіне ие болды.
Осы аудандарда тұратын тұрғындар үйін газға қосуға өтінім беру үшін "ҚазТрансГаз Аймақ" АҚ-ға (Республика даңғылы, 24) жүгінуі қажет. Толық ақпаратты +7(7172)55-89-75, ішкі телефондары: 1530, 1527, 1534 бойынша алуға болады.
Қараша айында Оңтүстік-Шығыс және Агроқалашық елді мекендерінің қалған бөліктері газбен қамтамасыз етіледі. Сондай-ақ "ҚазТрансГаз Аймақ" АҚ Күйгенжар, Мичурино, Интернациональный елді мекендерінде газбен жабдықтау желілерінің құрылысын жүргізуде, оларды іске қосу осы жылдың соңына дейін жоспарланып отыр. Осылайша, тағы 5 мың жеке үй көгілдір отынға қол жеткізе алады.
