Елордада құрылыс краны құлап түсті. Зардап шеккендер жоқ, деп хабарлайды ҚазАқпарат.
"2019 жылдың 3 тамызында сағат 09.24 кезінде Түркістан көшесінің бойында салынып жатқан "Сенсат парк" тұрғын үй кешенінде жүкті көтеру кезінде 8-10 метр биіктен мұнаралық кран құлап түсті. Кран көршілес "BI Group" ЖШС-ның нысанына түскен. Нысанды салушы – "Sensata Construction" ЖШС. Зардап шеккендер мен жарақат алғандар жоқ", – деп хабарлайды елорданың төтенше жағдайлар департаментінің баспасөз қызметі.
Оқиға орнында ТЖ бойынша департамент, полиция департаменті мен қалалық жедел жәрдем қызметкерлері жұмыс жүргізді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
