"Коронавирус ауруының өсімінің төмендеуіне байланысты қалалық қоғамдық денсаулық сақтау басқармасы ауруханаларды жабу туралы шешім қабылдады. Олар қажеттілікке байланысты мамыр-шілде айларында жұқпалы аурулар ауруханаларына қайта бейімделді. Мәселен, соңғы 2 күнде біз 370 төсектік 3 "ковидті" стационарды – Қалалық психикалық денсаулық орталығын және басқаларын жауып тастадық", – деді Әлия Рүстемова.
Оның айтуынша, келесі аптада және одан кейін эпидемиологиялық жағдайға байланысты "ковидтік" стационар ретінде тартылған қаланың тағы екі ауруханасындағы коронавирус жұқтырған науқастарға арналған палаталар жабылады.
"Олар – 366 төсектік №3 көпбейінді қалалық аурухананың клиникалық және акушерлік блогы және Академик Н.Д. Батпенов атындағы 112 төсектік Травматология және ортопедия ұлттық ғылыми орталығы, – деп нақтылады Әлия Рүстемова.
Аян Бекенұлы
