/img/tv1.svg
RU KZ
Нұр-Сұлтанда тағы 7 адамнан коронавирус анықталды (видео)

Нұр-Сұлтанда тағы 7 адамнан коронавирус анықталды (видео)

Аталған инфекцияны жұқтырғандар саны 44-ке жетті.

19 Наурыз 2020 13:40 1260

Нұр-Сұлтанда тағы 7 адамнан коронавирус анықталды (видео)

Нұр-Сұлтанда тағы 7 адамның инфекция жұқтырғаны анықталды. Бұл туралы ДСМ ресми өкілі хабарлады.

«Нұр-Сұлтан қаласы бойынша тағы 7 науқас тіркеліп отыр. Олардың бәрі Қазақстан азаматтары. Жастары 25-52 аралығында. Бәрі бұрын ауырған адамдармен байланыста болған. Қазір олар стационарда. Карантинде емделіп жатыр. Жағдайлары жақсы»,  деді Диас Ахметшәріп.

 

Шымкентте коронавирус жұқтырған тағы бір адам тіркелді

Жалпы республика бойынша індет жұқтырғандар саны 80-ге жетті.

25 Наурыз 2020 17:26 562

Coronavirus2020.kz мәліметінше, 16-40-тағы жағдай бойынша Нұр-Сұлтан қаласы бойынша – 41 адам, Алматы қаласында – 31 адам, Қарағанды қаласында – 2, Алматы облысында –  1 адам, Ақтөбе облысында – 1 адам, Шымкент қаласында – 2 адам, Жамбыл облысында –  1 адам, Солтүстік Қазақстан облысында – 1 адам, жалпы 80 науқас тіркелді.

Елордалық медицина мамандары қала тұрғындарына бейнеүндеу жолдады

Бейнеүндеуде дәрігерлер мен медбикелер тұрғындарды денсаулықтарына сақтықпен қарап, үйде болуға шақырды.

25 Наурыз 2020 14:19 669

Коронавирус инфекциясымен бетпе-бет келіп, тәулік бойы күресіп жатқан медицина қызметкерлері қала тұрғындары мен қонақтарына бейнеүндеу жолдады, деп хабарлайды Елорда әкімдігінің ресми сайты.

Бейнеүндеуде тәжірибелі дәрігерлер мен медбикелер тұрғындарға қазір қиын-қыстау кезеңді бастап өткеріп жатқандарын айтып, тұрғындарды денсаулықтарына сақтықпен қарап, үйде болуға шақырды.

«Қазір маңызды кезеңдердің бірі. Бұл жаттығу емес. Біз үшін сіздердің өмірлеріңіз маңызды. Денсаулықтарыңызды сақтаңыздар. Бізге көмектесіңіздер. Үйде болыңыздар», – деді инфекционист дәрігер бейнежолдауда.

Астаналық медицина мамандарының пайымынша, вирусты жоюда дәрігерлердің ғана емес, азаматтардың да жауапкершілігі маңызды.

Еске сала кетсек, Нұр-Сұлтан қаласында 22 наурыз сағат 00.00-ден бастап қалаға кіріп-шығуға тыйым салынды. Қалада өткізу-бақылау бекеттері орнатылған. Күнделікті өмірге қажетті азық – түлік пен қажетті тауарларды кедергісіз тасымалдауға рұқсат берілген.