/img/tv1.svg
RU KZ
Hang Seng 23 139,49 KASE 2 175,54
FTSE 100 5 499,55 DOW J 21 758,68
РТС 955,96 Brent 22,60
Нұр-Сұлтанда тұтас аудан сусыз қалды

Нұр-Сұлтанда тұтас аудан сусыз қалды

Әкімдік ол ауданға «водовоз» жолдауда.

15 Шілде 2019 16:12 363

Нұр-Сұлтанда тұтас аудан сусыз қалды

Коммуналдық апатқа «Ағыбай батыр көшесі» жағында су құбырының жарылуы себеп болған. Салдарынан елорданың ескі орталығындағы біраз көшенің тұрғындары сусыз отыр. 

Қалалықтардың айтуынша, А.Иманов, Ш.Уәлиханов, Ағыбай батыр, Асан қайғы, Тараз және басқа да көшелердің осы бөлігінде орналасқан көпқабатты тұрғын үйлерге су жеткізу тоқтатылған. 

Осы аудандағы ескі жеке үйлер болса, бұған дейін суды жергілікті колонкадан алып келіпті, енді ол да уақытша істен шықты.
Бүгін таңертең қала әкімдігі «водовоз» жазуы бар су тасығыш көлігін жіберіп, осы көшелердің тұрғындарына тегін су таратыпты. Бірақ ол су жетпей қалған.

«Астана су арнасы» қазіргі уақытта ол ауданда апатты жою жұмыстары шұғыл жүргізіліп жатқанын хабарлады. 
Коммуналдық қызметтерге бүгінгі жұмыс күні аяқталғанша суды беру жөнінде тапсырма жүктеліпті. Олардың бұл үдеден қаншалықты шыға алатыны әзірге белгісіз.

Жалпы, көпқабатты зәулім үйлердің бой көтеруіне орай елорданың ескі орталығының бұл бөлігіндегі құбыр жүйесіне түсетін жүктеме жыл санап артып келеді. Ескі құбырлар оған шыдас бермей жатқаны байқалуда.
Ауыз сумен жабдықтау ауыл түгіл, астана үшін де күрделі мәселелердің бірі саналады.   

Жанат Ардақ

inbusiness.kz-ті қараңыз, оқыңыз :

Су ресурстары комитеті 5 млрд теңгені ысырап қылған

Су ресурстарын басқару саясатын қалыптастыратын мемлекеттік орган жоқ.  

27 Қараша 2019 16:26 380

Су ресурстары комитеті 5 млрд теңгені ысырап қылған

Су ресурстары комитеті 5 млрд теңгені ысырап қылған. Тексеріс жүргізген есеп комитетіндегілер осындай былықтың бетін ашты, деп хабарлайды Atameken Business.

Қомақты қаржы қайда, қалай жұмсалды? Бұл туралы арна тілшісі Құралай Пионер толығырақ айтып береді.

176 млн теңгеге жүргізілген су құбыры жарамсыз болып қалды

Алматы облысы, Қаратоған ауылы тұрғындары осы күнге дейін лас құдықтардан су тасуға мәжбүр.

19 Тамыз 2019 15:14 689

176 млн теңгеге жүргізілген су құбыры жарамсыз болып қалды

Алматы облысы, Қаратоған ауылында 176 миллион теңгеге жүргізілген су құбырлары жарамсыз күйде қалған, деп хабарлайды Atameken Business.

Құрылыс компаниясы осы мекенде ауыз су мұнарасын салып, бірнеше шақырымға созылған құбырлар жүйесін жасаған. Жоба қолданысқа 2016 жылы берілуге тиіс болатын. Алайда жүйе істен шығып, тұтынушылар таза судан қағылған. Осыдан кейін жауапты органдар мердігердің үстінен қылмыстық іс қозғап, соттатқан. Бірақ кінәлі олар қазына алдындағы борышын өтемей жүр. Ауыл тұрғындары осы күнге дейін лас құдықтардан су тасуға мәжбүр. Олардың су жүргізу жүйесін жасақтау талаптарына әкімшілік жаңа тендер өткізуге уәде беріп келуде.

Жаңалықтарға жазылу: