Елорданың Тәуелсіздік сарайында жыл сайын өкізілір тұратын "Ulttyq Onim-2019" көрмесі салтанатты түрде ашылды, деп хабарлайды ИИДМ баспасөз қызметі.
Ұйымдастырушылардың айтуынша, жыл сайын старт-ап жобаларының өсуі, жас кәсіпкерлер тарапынан мемлекеттік қолдау бағдарламаларына қызығушылық байқалуда. Биылғы жылы Қазақстан, Түркия, Әзірбайжан, Корея және Ресейден 500-ден астам компания өз тауарларын ұсынды.
Көрмеге жеңіл және тамақ өнеркәсібі, машина жасау, фармацевтика, жиһаз және ағаш бұйымдары, зергерлік бұйымдар және басқа да салалардың компаниялары қатысты.
Көрме аясында қатысушыларға кәсіпкерлікті қолдаудың мемлекеттік бағдарламалары бойынша кеңестер, "Халық Таңдауы" байқау-дегустациясы, KAZFRANCH франчайзингі бойынша конференция, шетелдік делегациялармен В2В-кездесулер (Түркия, Польша, Әзірбайжан кәсіпкерлері), шетелдік делегациялардың семинарлары, Damu-Stage конференциясы және т.б. өткізіледі.
