Нұр-Сұлтан әкімдігі жүзге жуық жер телімін мемлекет меншігіне алғалы жатыр. Енді саяжай мен жеке үйлер орналасқан аумаққа мектеп, театр мен жолайырықтар салынады, деп хабарлайды КТК.
"94 обектінің ішінде 57-сі – саяжай учаскелері, 4-еуі – гараж, 34-і – тұрғын үй. Меншік иелері мен келісімшартқа қол қойылып, 10 күн мерзімде ақшасын төлейміз. Үй босатылған соң, сүру тазалау жұмыстары жүргізіледі", – дейді "Жылжымайтын мүлік орталығы" РМК директорының міндетін атқарушы Дарын Мұқыжанов.
Нысандарды тәуелсіз сарапшылар нарыққа сай бағалаған соң, тұрғындарға өтемақы төленеді. Ол үшін жергілікті бюджеттен 2 миллиардқа жуық қаржы қарастырылған.
Тізімге іліккен жер үйлердің басым бөлігі Есілдің оң жағалауында. Олар алдағы бір айдың ішінде бұзылуға тиіс.
