Нұр-Сұлтандықтар 36 медициналық ұйымға тіркеле алады

Нұр-Сұлтандықтар 36 медициналық ұйымға тіркеле алады

17 Қыркүйек 2021 09:03 301

Нұр-Сұлтандықтар 36 медициналық ұйымға тіркеле алады
Елімізде емханаға тіркеу науқаны басталды.  

Жыл сайын өткізілетін дәстүрлі кампания екі ай бойы, 15 қыркүйектен 15 қарашаға дейін созылады, деп хабарлайды inbusiness.kz  Әлеуметтік медициналық сақтандыру қорының Нұр-Сұлтан қаласы бойынша филиалының баспасөз қызметі.

Тұрғындар Нұр-Сұлтан қаласы бойынша алғашқы медициналық-санитариялық көмек көрсететін 36 медициналық ұйымға тіркеле алады. Олардың 18-і  мемлекеттік, қалғаны – жекеменшік клиникалар. 

"Тіркеу науқаны кезінде азаматтар өзі тұратын аумақ шеңберіндегі мемлекеттік қана емес, жеке меншік клиникаларға да тіркеле алады. Ол үшін емхана Медициналық сақтандыру қорының жеткізушілер тізімінде болуға тиіс", - дейді "Әлеуметтік медициналық сақтандыру қоры" КЕАҚ Нұр-Сұлтан қаласы бойынша филиалының директоры Нұрлыбек Қабдықапаров.

Естеріңізге сала кетсек, биылғы науқан барысында емхана ауыстырған азаматтар өзі таңдаған емдеу мекемесінің қызметін 2022 жылдан бастап пайдалана алады. Жалпы емхана ауыстыру міндетті емес. Бұрынғы емхана қызметіне көңілі толатын азаматтар әрі қарай да бұрынғы клиниканың қызметін пайдалана берсе болады.

Емхана өзі қызмет көрсететін аймақтан тыс жерде тұратын азаматтарды, сондай-ақ бастапқы медициналық-санитарлық көмек көрсететін мекеме жүктемесі шектен асып кеткен жағдайда тіркеуден бас тартуы мүмкін. Қолданыстағы нормативтерге сәйкес, учаскедегі жалпы практика дәрігеріне тіркелгендер саны 1700-ден аспауға тиіс.

Тіркелген тұрғындар регистрі деректері бойынша 2021 жылдың 1 қыркүйегіне дейінгі уақытта елордада алғашқы медициналық-санитарлық көмек көрсететін медицина ұйымдарына 1 252 009 адам тіркелген.

Естеріңізге саламыз, биыл тіркеу тәртібіне бірқатар өзгеріс енгізілді. Бұдан былай Еуразиялық экономикалық одаққа мүше мемлекеттерден келген еңбек мигранттары емханаға тіркелу үшін ерікті медициналық сақтандыру полисін сатып алуы тиіс. Олар тіркелу үшін емхананың тіркеу бөліміне барып өтініш жазады.

Тіркеу науқанына қордың мәліметтер базасына енген емдеу мекемелері ғана қатысады. Олардың толық тізімімен МСҚ www.fms.kz ресми сайты арқылы танысуға болады.

Азаматтардың емханаға тіркелуі өте маңызды. Себебі міндетті әлеуметтік медициналық сақтандыру жүйесінде көрсетілетін медициналық қызметтер осы емханалар арқылы ұсынылады. 

Ұқсас материалдар:

shardara-audany-50-pajyz-gazben-kamtyldy

kasym-zhomart-tokaev-pakistan-premer-ministrimen-kezdesti

turkistanda-otetin-turkpa-kenesinin-h-plenarlyk-otyrysyna-dajyndyk-maseleleri-talkylandy

askar-mamin-kazakfilm-ak-kinostudiyasyn-kajta-kuru-zhobasymen-tanysty

kytajda-milliardtan-astam-adam-vakcina-ektirdi

загрузка

×