Елорда туралы ең үздік ән, сондай-ақ Қазақстан астанасының логотипі мен ұранының ең үздік брендбугін жасауға байқау жарияланды, деп хабарлайды қала әкімдігінің ресми сайты.
Байқау 27 мамырдан 24 маусымға дейін жүргізіледі. Қатысқысы келетіндер Нұр-Сұлтан қаласының қоғамдық даму істері басқармасына 2019 жылдың 24 маусымына дейін қажетті материалдарды тапсыруы керек.
Қазылар алқасының құрамында белгілі композиторлар, ақындар мен суретшілер, дизайнерлер болады. Әрбір байқаудың жеңімпазы дипломмен және 3 млн теңге ақшалай сыйлықпен марапатталады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
