Президенттік жастар кадр резервіне кірген Нұралы Бөкейханов "Атамекен" ҚР ҰКП Аппарат жетекшілігіне тағайындалды, деп хабарлайды Палатаның баспасөз қызметі.
"2019 жылдың желтоқсан айында Нұралы Бөкейханов Президенттік жастар кадр резервінің мүшелігіне кірді. "Атамекен" ҚР ҰКП басшылығы Нұралы Бөкейхановты ҰКП Аппарат жетекшілігіне тағайындады", – делінген хабарламада.
Н.Бөкейханов 2013 жылы Ланкастер Университетінің менеджмент мектебінде қаржылық басқару магистрі атанды. "Болашақ" президенттік бағдарламасының стипендиаты.
Өзінің еңбек қызметін Нұралы Әлімұлы жеке сектордан бастаған. Ұлттық палатада оның құрылған күнінен бері еңбек етіп келеді. Нұралы Бөкейхановтың шетелдегі жетекші орындарда алған білімі, қытай және ағылшын тілдерін жетік білуі оның димломатиялық қызметке кәсіби деңгейде, терең араласуға мүмкіндік берді.
