Павлодарда сот биыл тамызда соты болған Нұрлан Мәсімовтің апелляциялық шағымын қарады, деп хабарлайды inbusiness.kz сайты.
1 желтоқсанда Павлодар облыстық сотының қылмыстық істер жөніндегі сот алқасы Мәсімовтің апелляциялық шағымы бойынша қаулы шығарды.
"Мәсімов пен Сирадизимовқа қатысты шешімді бірінші сатыдағы сот алқабилер қатысқан процесте шығарды. Алқа бұл шешімді қолдайды, сондықтан үкім өзгеріссіз қалады. Евковичке қатысты үкім тек мерзім бөлігінде өзгертілді", - деді судья Рымбаев.
Айта кетейік, іс бойынша тағы бір айыпталушы - кәсіпкер Евгений Левковичтің апелляциялық шағымын сот ішінара қанағаттандырды. Сот алқасының шешімі бойынша оған жеті жылдан бес жылға дейін бас бостандығынан айыру мерзімі қысқартылды. Сот сотталушы Евкович Павлодар облысының Полиция департаментіне келтірілген материалдық залалды өтегенін ескерді.
Еске салайық, бұған дейін Павлодар облысы Полиция департаментінің бұрынғы бастығына қатысты сот үкімі шыққаны хабарланды. Нұрлан Мәсімов мүлкі тәркіленіп, 10 жылға бас бостандығынан айырылды.
