Қазақстан Республикасы Стратегиялық жоспарлау және реформалар агенттігінің Ұлттық статистика бюросының деректеріне сәйкес, тұрғын үй құрылысы бойынша биылғы жылдың 9 айының қорытындысы бойынша 9,6 млн м2 тұрғын үй пайдалануға берілді, бұл 2019 жылғы ұқсас кезеңге қарағанда 109%-ды құрайды, деп хабарлайды ИИДМ баспасөз қызметі.
Жалпы "Нұрлы жер" бағдарламасы аясында Қазақстан бойынша барлығы 85 418 тұрғын үй пайдалануға берілді, оның ішінде – 30 760 жеке үй, 54 658 пәтер.
Баспана құрылысы саласына инвестиция көлемі алдыңғы жылмен салыстырғанда 25,2% өсіп, 1 256 млрд құрады.
Өткен жылмен салыстырғанда, тұрғын үйді іске қосу көлемінің өсуі 14 өңірде байқалады. Олар: Жамбыл (109,5%), Солтүстік Қазақстан (112,9%), Қостанай (107,9%), Шығыс Қазақстан (108,1%), Алматы (107,6%), Қарағанды (103,3%), Ақмола (103,4%), Батыс Қазақстан (105,7%), Ақтөбе (103,6%), Қызылорда (100,4%), Павлодар (110,6%) облыстары мен Нұр-Сұлтан (154,2%), Шымкент (111,3%), Алматы (108%) қалалары.
Тұрғын үйді пайдалануға беру көрсеткіштері қарқынының төмендеуі республиканың 3 өңірінде байқалады: Атырау (71%), Түркістан (95,9%) және Маңғыстау (96,8%) облыстарында.
