/img/tv1.svg
RU KZ
Нұрсұлтан Назарбаев Ақорда резиденциясынан көшеді

Нұрсұлтан Назарбаев Ақорда резиденциясынан көшеді

20 Наурыз 2019 11:43 369

Нұрсұлтан Назарбаев Ақорда резиденциясынан көшеді

Президенттік өкілетін тоқтату туралы мәлімдеген Қазақстанның Тұңғыш президенті Нұрсұлтан Назарбаев жұмыс істеу үшін Ақордадағы резиденциядан Тұңғыш президент кітапханасының ғимаратына көшеді. Бұл туралы Тұңғыш президент кеңсесінің басшысы Махмұт Қасымбеков айтты. 

«Ол жұмыс істеу үшін Назарбаев орталығына көшеді. Бұл тұңғыш президент кітапханасының ғимараты», –  деді журналистерге ол 20 наурыз күні. 

Елбасы Отан қорғаушылар күнімен құттықтады

Еліміздің Тұңғыш Президенті баршаға зор денсаулық, күш-қайрат пен бақ-береке тіледі.

06 Мамыр 2020 15:49 280

Қазақстан Республикасының Тұңғыш Президенті Нұрсұлтан Назарбаев қазақстандықтарды Отан қорғаушылар күнімен құттықтады. Құттықтау сөз Елбасының ресми сайтында жарияланды:

«Құрметті қазақстандықтар!

Баршаңызды Отан қорғаушы күнімен құттықтаймын!

1992 жылы 7 мамырда мен Қазақстан Республикасының Қарулы күштерін құру туралы жарлыққа қол қойдым.

Тәуелсіздік алған сәттен бастап біз еліміздің әскери қауіпсіздігін қамтамасыз етуге, қарулы қақтығыстардың алдын алуға, Қарулы күштерді дамыту мәселелеріне әрдайым ерекше мән бердік.

Қуатты және қабілетті армия ­– егемен елдің маңызды атрибутының бірі.

Қазақстан армиясы заман талабына сай қару-жарақпен жабдықталған. Тұрақты түрде оқу-жаттығу ұйымдастырылып отырады. Әскери қызметшілерді әлеуметтік қолдауға ерекше көңіл бөліп келеміз.

Әскерилер бейбіт заманға лайық ерлік танытып, алдына қойылған барлық міндетті абыроймен атқаруда. Қазіргі таңда олардың көбі құқықтық тәртіпті қамтамасыз етіп, пандемияға қарсы іс-шаралардың алдыңғы шебінде коронавирус індетімен күресіп жүр.

Қадірлі Отан қорғаушылар, туған өлкенің тыныштығын абыроймен күзетіңіздер. Жауапкершілік, әділдік пен партиотизмнің жарқын үлгісін көрсете беріңіздер.

­Біздің ортақ борышымыз – халқымыздың басты құндылықтары болып саналатын бірлікті, тәуелсіздік пен тұрақтылықты көздің қарашығындай сақтау.

Мерейлі мереке құтты болсын, ардақты отандастар!

Баршаңызға зор денсаулық, күш-қайрат пен бақ-береке тілеймін!»

Қазақстанның Тұңғыш Президенті Ресейге барды

Бұл туралы Елбасының баспасөз хатшысы Айдос Үкібай Twitter-дегі парақшасында жазды.  

10 Наурыз 2020 23:07 196

Қазақстанның Тұңғыш Президенті – Елбасы Нұрсұлтан Назарбаев Ресей Федерациясына барды, деп хабарлайды inbusiness.kz.

«Елбасы Ресей Федерациясына келді. Сапар барысында Нұрсұлтан Назарбаев Ресей Президенті Владимир Путинмен кездеседі, сондай-ақ М.В. Ломоносов атындағы Мәскеу мемлекеттік университетіне барады», деп жазды Елбасының баспасөз хатшысы Айдос Үкібай Twitter-дегі парақшасында.