/img/tv1.svg
RU KZ
Нұрсұлтан Назарбаев билікті беру салтанаты туралы жарғыны оқыды

Нұрсұлтан Назарбаев билікті беру салтанаты туралы жарғыны оқыды

Параламент палаталарының бірлескен отырысында Қасым-Жомарт Тоқаев ант қабылдайды.

19 Наурыз 2019 20:15 1209

Нұрсұлтан Назарбаев билікті беру салтанаты туралы жарғыны оқыды

20 наурыз күні сағат 12.00-де парламент палаталарының бірлескен отырысында ант қабылдау салтанатын өткізуді бұйырамын – Назарбаев. 

«2019 жылдың 20 наурызынан бастап Қазақстан президенті ретіндегі өкілеттігімді тоқтатамын. Қалған мерзімге өкілеттік сенат спикеріне ант қабылдау үшін тапсырылады. 20 наурыз күні сағат 12.00-де парламент палаталарының бірлескен отырысында ант қабылдау салтанатын өткізуге қаулы шығарамын», – деді Нұрсұлтан Назарбаев республикалық телеарналардан Қазақстан халықына жолдаған үндеуінде.

 

Елордалық жас сарбаздар ҚР Қарулы Күштері қатарына әскери қызметке аттанды

 Сарбаздар әскери ант қабылдағаннан кейін Жамбыл облысындағы әскери бөлімдерде қызмет атқарады. 

21 Шілде 2020 11:09 168

Елордалық жас сарбаздар ҚР Қарулы Күштері қатарына әскери қызметке аттанды Олар Жамбыл облысында орналасқан әскери бөлімдерде қызмет етеді, деп хабарлайды Нұр-Сұлтан әкімдігінің ресми сайты.

Бүгін Нұр-Сұлтан қаласының жиын пунктіндегі жас сарбаздар Қарулы Күштер қатарына аттанды. Сарбаздар әскери ант қабылдағаннан кейін Жамбыл облысындағы әскери бөлімдерде қызмет атқарады.

«Қарулы күштеріміз озық технологиялар және заманауи техникалармен кеңінен жабдықталуда. Сол себепті әскеріміздің қатарын жас сарбаздармен толықтыруды сапалы жүргізуге аса көңіл бөлінуде», – дейді Нұр-Сұлтан қаласы қорғаныс істері жөніндегі департаменті бастығының орынбасары Ерболат Жүсіпов.

«Биыл Президент Қ.К. Тоқаевтың Жарлығы бойынша көктемгі әскерге шақыру науқанының өткізілу уақыты ұзартылып, азаматтарды әскерге жөнелту мерзімі тамыз айына дейін созылатын болады. Наурыз-мамыр аралығындағы болған елдегі карантин шаралары уақытында мерзімді әскери қызметке шақыру уақытша тоқтатылып, мамыр айының аяғында қайта басталды. Мамыр-маусым айларында Қазақстан Республикасының Ұлттық қауіпсіздік қызметінің Шекара әскерлері мен Ұлттық Ұлан әскери бөлімдерін жас сарбаздармен толықтыру жоспарлы түрде орындалды», – Е.Жүсіпов.

Оның айтуынша, әскери бөлім командирлерінен елордалық сарбаздардың үздік қызметтері мен елдің қорғаныс қабілеттілігіне қосып отырған еңбектері үшін алғыстар да жиі келіп тұрады.

«Шілде айынан бастап Қазақстан Республикасы Қарулы Күштері әскери бөлімдерінде қызметін аяқтаған сарбаздардың орынына жас толымды жөнелте бастадық. Шақырылатын жастарымыз Қапшағай қаласындағы десанттық-шабуылдаушы әскерлер және Ақтау қаласындағы теңіз жаяу әскері әскери бөлімдері секілді элиталық бөлімдерге барады. Сонымен бірге механикаландырылған бригадалар мен Әуе қорғанысы күштері бөлімдерінде 18 бен 27 жас аралығындағы жастармен толықтырамыз», – деді Е.Жүсіпов.

Болашақ сарбаздар 14 күндік карантинге алынады

Бұл туралы Алматы қаласы Қорғаныс істері жөніндегі департаменттің басшысы Амантай Өсербаев онлайн брифингте мәлімдеді.

28 Мамыр 2020 13:20 537

«Біріншіден, қала әкімінің шешіміне байланысты медициналық комиссияның құрамына жұқпалы аурулар маманы қосылды және барлық шақыру орындарында медициналық пост қойылды. Яғни әрбір шақырылған азаматтың дене қызуы тексеріліп, бірден жұқпалы аурулар дәрігерінің қабылдауына барады», – деген Амантай Өсербаев ант қабылдау рәсіміндегі жаңа талаптармен таныстырды. 

«Әскерге шақырушылардың ант қабылдау рәсіміне ата-аналары мен туыстары шақырылмайды. Дегенмен, санитарлық нормаларды сақтай отырып ант қабылдау рәсім өткізіледі», – деді департамент басшысы.

Құралай Құдайберген