Нью-Йоркте 2016 жылғы сайлау науқаны кезінде өзі туралы жағымсыз ақпаратты жасыру үшін жалған құжат жасады деп айыпталған АҚШ-тың экс-президенті Дональд Трампқа қатысты тарихи қылмыстық іс бойынша тыңдаулар аяқталды. Кеше тараптардың қорытынды дәлелдері тыңдалды, деп жазады inbusiness.kz сайты DW-ға сілтеме жасап.
Енді алқабилер алты аптаға созылған тыңдаулардың қорытындысы бойынша бірауыздан шешім қабылдауы керек. Алқабилердің кеңесу уақыты әдетте бірнеше сағаттан бірнеше күнге дейін созылады. АҚШ-тың бұрынғы президентіне қарсы бірінші қылмыстық іс бойынша айыптау үкімі шығарылған жағдайда, судья Хуан Мерчан жазаны жеке күнге жариялауды тағайындайды.
Дегенмен айыптау үкімі Трамптың сайлауға түсуіне кедергі болмайды.
Егер Трамп кінәлі деп танылса, оған көп жылға бас бостандығынан айыру (жалпы 136 жылға дейін бас бостандығынан айыру), шартты мерзім немесе ақшалай айыппұл салынады. Республикашыл кінәсін мойындамады және тіпті айыптау үкімі шығарылған жағдайда да қараша айындағы президенттік сайлауына кандидат ретінде қатыса алады. Егер алқабилер ұзақ талқылаулардан кейін де келісімге келе алмаса, үкім шығарылмайды және процесс жаңа алқабилермен қайта басталуы мүмкін.
Дональд Трампқа қарсы процесс сәуір айының ортасынан бастап жалғасты. Осы уақыт ішінде 20-дан астам куәгерлер, соның ішінде Трамптың бұрынғы адвокаты Майкл Коэн, сондай-ақ порно актриса Сторми Дэниэлс тыңдалды. Коэн Трамп оған Даниэлске үнсіздігі үшін ақша төлеуді бұйырғанын және оны өзіне қайтаруға уәде бергенін мәлімдеді.
