RU KZ
Облыстық ҚАЖД басшысының орынбасары пара алу үстінде ұсталды

Облыстық ҚАЖД басшысының орынбасары пара алу үстінде ұсталды

23 Қыркүйек 2019 17:43 1156

Облыстық ҚАЖД басшысының орынбасары пара алу үстінде ұсталды
Қызылорда облысы қылмыстық атқару жүйесі департаменті бастығының бірінші орынбасары, әділет майоры парамен ұсталды.

Қызылорда облысы қылмыстық атқару жүйесі департаменті бастығының бірінші орынбасары, әділет майоры пара алып жатқан жерінен ұсталды, деп хабарлайды ҚазАқпарат.

«Сыбайлас жемқорлыққа қарсы қызмет Қызылорда облысы бойынша ҰҚКД-мен бірлесе отырып, Қызылорда облысы қылмыстық атқару жүйесі департаменті бастығының бірінші орынбасары, әділет майорын едәуір көлемде пара алу үстінде ұстады», – делінген ҚР сыбайлас жемқорлыққа қарсы іс-қимыл агенттігінің баспасөз қызметі хабарламасында.

Ол өзіне бағынышты адамнан қызметі бойынша жалпы қамқорлық үшін айтарлықтай қомақты сомада пара алды деген күдікке ілініп отыр.

Күдікті ұсталып, Қызылорда қаласындағы уақытша ұстау изоляторына қамалды. Тергеу амалдары жалғасуда.

Оның кінәсінің дәрежесін анықтайтын ақырғы шешімді сот қабылдайды.