Бұдан бөлек 3 ойын автоматтары залы және 8 букмекерлік кеңсе жұмыс істейді. Бұл туралы Туризм және спорт вице-министрі Мирас Төлебаев Орталық коммуникациялар қызметінде өткен брифингте айтты, деп хабарлайды inbusiness.kz сайты.
"Қазіргі уақытта Қазақстанда 6 казино, 3 ойын автоматтары залы және 8 букмекерлік кеңсе жұмыс істейді. Онда 5 мыңға жуық адам қызмет етеді. 2023 жылдың басынан министрліктің талап-арыздары бойынша сот шешімдері негізінде заң бұзушылықтарға байланысты 14 букмекерлік кеңсенің, 8 тотализатордың және 1 ойын автоматтары залы қызметі тоқтатылды. 2024 жылдың бірінші жартыжылдығында жоспардан тыс және жоспарлы тексерулер Қонаев қаласындағы 4 букмекерлік кеңсе мен 2 ойын автоматтары залы бойынша, сондай-ақ жоспардан тыс лотерея операторын тексеруі жүргізілді", - деді ведомство өкілі.
Оның дерегінше, 1 букмекерлік кеңсе лицензиясынан айырылып, 2 ойын автоматтары залы мен лотерея операторына 8 миллион теңгеден астам сомаға айыппұл салынды.
Айта кету керек, осыған дейін құмар ойын ойнаған мемлекеттік қызметшілер жұмыстан шығарылатынын жазған болатынбыз.
