ОКҚ басшысы Артур Нығметовтың шетелде білім алу мақсатында, қызметінен кеткені туралы ҚР ақпарат және коммуникациялар министрі Дәурен Абаев Facebook әлеуметтік желісіндегі жеке парақшасына жазған болатын.
Оның орнына Орталық коммуникациялар қызметінің директоры болып Анастасия Щегорцова тағайындалды, деп хабарлайды zakon.kz.
Анастасия Щегерцова Л.Н.Гумилев атындағы Еуразия ұлттық университеті политология факультетінің түлегі, қазақ орыс, ағылшын тілдерін меңгерген
2010-2014 жылдары Анастасия Щегорцова ҚР мәдениет және ақпарат министрлігінің тіл комитеті басшысының орынбасары болып қызмет атқарған. Оған дейін, министрлікте сараптама және стратегиялық жоспарлау департаментінде қызмет атқарған. Сонымен қатар, ол елордалық әкімдікте ішкі саясат департаментінде жұмыс істеген.
