2020 жылдың сәуір айында еліміздегі дүкендер, базарлар мен басқа да бөлшектік сауда орындары шамамен 495,7 млрд теңге өндірген: былтырғы көрсеткіштен 40,9%-ға аз. Бұл туралы ranking.kz басылымы хабарлады. Инфляцияны есептегенде сауданың құлдырау көрсеткіші бір жылда 44,7%-ға жеткен. Осы жылдың наурызына дейінгі жағдай бойынша бұл сектор 41,7%-ын жоғалтып отыр.
Қаңтар және сәуір айлары аралығында бөлшектік сауда көлемі 2,87 трлн теңгеге дейін азайған. 2019 жылдың алғашқы 4 айындағы көрсеткіштен бұдан 5,9%-ға артық болды.
Өткен айда инфляция деңгейі 6,8%-ға дейін өсті. Наурызда 6,4% болған еді. 2019 жылдың сәуір айында 4,9% деңгейінде тіркелді. Еске сала кетсек, бұған дейін Ұлттық банк инфляциялық дәлізді 4-6% деңгейінде бекіткен болатын. Екі айдан бері көрсеткіштен белгіленген межеден асып кетіп отыр. Бұған себеп – жаңа коронавирус пандемиясы, мұнайдың арзандауынан кейінгі теңгенің құнсыздануы.
Табиғат Нұрболат
