"Авторлардың анонимділігіне кепілдік беріліп, олар туралы ақпарат жария етілмейді. Сондай-ақ мектептерге осы әлеуметтік желілерге сілтемелері бар QR-кодтар қосымша жіберілді", - делінген ақпаратта.
Оқу-ағарту министрлігі Балалардың құқықтарын қорғау комитетінің бастамасымен елімізде "Мектептің жақсаруына көмектес!" ұранымен "Балаға лайық" акциясы өтіп жатыр. Ол 20 желтоқсанға дейін жалғасады.
"Балаға лайық" акциясы барысында мектептердегі жуынатын бөлмелер мен асханалардың жағдайы айтарлықтай жақсарған. "Мектептегі әжетханалар мен асханаларға мониторинг жазалау үшін емес, балаларға қажетті жағдай жасауға мектептерді бірлесе тарту үшін жүргізіліп жатқанын атап өткім келеді", - деді Оқу-ағарту министрлігі Балалардың құқықтарын қорғау комитетінің төрағасы Насымжан Оспанова.
Акция барысында мектептердің жуынатын бөлмелері мен асханасының жағдайы туралы 1000-нан аса шағым түскен. Әрбір өтінішті облыстық білім басқармалары қарайды. Заң бұзушылықтар анықталған 100-ден астам мектепте жөндеу жұмыстары жүргізіліп, кемшіліктер жойылған.
