Облысқа Ғылым және жоғары білім министрлігінің өкілі Ақерке Абылайхан арнайы барып, оқу орнына қатысты бірнеше заңсыздықты анықтады, деп жазады inbusiness.kz сайты ведомостваға сілтеме жасап.
Жекеменшік білім ордасында оқитын 350 студент пен олардың ата-аналары бір мезетте оқудан шығарылғанын айтып шағымданған. Университет басшылығы олардың жүзге жуығы оқу ақысын төлемегенін, басқалары 40 сағаттан артық сабаққа қатыспағанын алға тартты.
Дегенмен министрлік өкілі ректордың бұйрығы заңсыз екенін, оның үстіне ережеге сай мемлекеттік тілде жазылмағанын түсіндірді. Одан бөлек, білім алушылардың студент екенін растайтын статусы арнайы базада өзгермеген. Министрліктің араласуынан кейін студенттердің барлығына оқу жылын аяқтауға мүмкіндік берілді. Бірақ, барлық білім алып жатқан студенттер оқудың ақысын толықтай 100% өтеуі тиіс.
ҚР Ғылым және жоғары білім министрлігі комитет төрағасының орынбасары Ақерке Абылайханның сөзінше, барлық студенттің түсініктемелері қолымда тұр. Әркімнің өз себебі бар. Оқу жылын аяқтап, басқа университеттерге ауысуға талаптарға сәйкес жағдайда мүмкіндік берілетін болды.
