Ғылым және жоғары білім министрі Саясат Нұрбек ЖОО-лардағы оқу ақысына қатысты пікір білдірді, деп хабарлайды inbusiness.kz сайты.
"Көптеген университетте оқу ақысының құны мемлекеттік грант құнынан әлдеқайда төмен. Мәселен, ұлттық университеттердегі грант құны 1 млн 200 мың теңге болып белгіленген, ал бір жылдық оқу ақысының құны 500-550 мың теңге маңайында. Әрине, КИМЭП, Нархоз секілді жекеменшік ЖОО-лардағы оқу ақысы жоғары. Бірақ олар білім сапасына жауап береді. Мемлекеттік университеттерді қатаң бақылап отырамыз. Баға диапазонын грант құнына қарағанда төмен деңгейде ұстауға тырысамыз. Сондықтан да бұл мәселе бақылауда тұр", - деп жауап берді министр тілшілердің сауалына берген жауабында.
Оның сөзінше, министрлік оқу ақысын белгілеу бойынша консервативті саясат ұстанады.
