/img/tv1.svg
RU KZ
Оқу орталықтарының құрылтайшылары Үкіметке ұжымдық хат әзірлеп жатыр

Оқу орталықтарының құрылтайшылары Үкіметке ұжымдық хат әзірлеп жатыр

Жұмыссыз қалған алты айда олар едәуір шығынға батқан.  

04 Тамыз 2020 22:23 420

Оқу орталықтарының құрылтайшылары Үкіметке ұжымдық хат әзірлеп жатыр

Еліміздегі оқу орталықтарының құрылтайшылары бизнестерінің ертеңі үшін алаңдаулы, деп хабарлайды Atameken Business. 

Салдарынан кәсіби мамандар да шетінен жұмыстан шығуда. Онсыз да кадр тапшылығын тартып отырған мекемелерге денсаулық сақтау министрлігі  жаңа штаттық кесте әзірлеп, әр орталықта медицина қызметкер болуын міндеттеген.

«Самұрық-Қазына» басшысы үкіметтен активтерді қорғаудың меxанизмін әзірлеуді сұрады

Қордың активтеріне тыйым салынуы елдің инвестициялық тартымдылығына жағымсыз әсер етуде.

16 Сәуір 2019 11:04 437

«Самұрық-Қазына» қорының басшысы Аxметжан Есімов шетелде қордың активтеріне арест салу мәселесін көтерді, деп xабарлайды ҚазАқпарат.

«Өкінішке қарай, автивтерді тыйым салуына байланысты шетелдік юрисдикциялардағы сот процестеріне қорды ұдайы тарту практикасы белең алуда. Атап айтқанда, 2017 жылы Стати талаптары бойынша қорға тиесілі құны 5 миллиардтан астам АҚШ долларын құрайтын Қашаған акцияларына шектеу қойылды. Ал 2018 жылы Ақтау Петролдың республикаға қойған талаптары бойынша қорға тиесілі құны 38 миллионнан астам АҚШ долларын құрайтын Түркиядағы Шекербанк акцияларына тыйым салынды. Оны бәріңіз жақсы білесіздер. Қордың активтеріне тыйым салу қаупі жалпы біздің активтеріміздің инвестициялық тартымдылығына айтарлықтай жағымсыз әсер етуде», – деді Ахметжан Есімов үкіметтің бүгінгі отырысында.

Осыған байланысты қор басшысы арнайы меxанизмді тездетіп енгізуді ұсынды. Соның арқасында қордың активтерін қорғауға болады.

«Бұны мен тек Роман Васильевичке (ҚР индустрия және инфрақұрылымдық даму министрі) ғана емес, басқа да жігіттер осы мәселенің біз үшін қаншалықты маңызды екенін жақсылап түсінсін дегенім ғой. Осыған байланысты біз әділет және қаржы министрліктерінен Қазақстан Республикасына қарсы шығарылған xалықаралық процестер бойынша шешімдерді орындау меxанизмін әзірлеуді ұсынған едік. Ондай меxанизм болса, ол арқылы ұлттық қордың, квазимемлекеттік сектордың активтеріне тыйым салудан қорғануға болады», – деп атап көрсетті Ахметжан Есімов.  

Үкіметтік жұмыс тобы Жамбыл облысының халқымен кездесті

ҚР Премьер-министрінің орынбасары Гүлшара Әбдіқалықованың басшылығымен үкіметтік жұмыс тобы Жамбыл облысында жұмысты жалғастырды.

12 Сәуір 2019 16:52 405

Жұмыс тобына еңбек және халықты әлеуметтік қорғау, денсаулық сақтау вице-министрлері, құрылыс және тұрғын үй-коммуналдық шаруашылық істері комитетінің төрағасы кірді. Бүгін топқа Nur Otan партиясының хатшысы Тамара Дүйсенова қосылды, деп хабарлайды primeminister.kz.

Күн «Қазфосфат» ЖШС Жаңа Жамбыл фосфор зауытының базасында өткен қаланың, аудандардың әкімдерімен, ірі кәсіпорындардың, бизнес құрылымдардың және кәсіподақтық ұйымдардың басшыларымен кездесуден басталды.

Бұдан әрі Ы. Дүкенұлы атындағы қалалық Мәдениет үйінде ҚР Премьер-министрінің орынбасары мен жұмыс тобының мүшелері облыс халқымен кездесу өткізді. Аудитория көп балалы аналардан, аз қамтылған отбасылардан, еңбек ардагерлерінен, мүмкіндіктері шектеулі жандардан, мұғалімдер, дәрігерлер мен жұртшылық өкілдерінен құралды. Отырысты ашқан Гүлшара Әбдіқалықова Елбасының «Әлеуметтік қамқорлық» жаңа әлеуметтік шаралары жаңа әлеуметтік саясат аясында іске асырылып жатқанын ерекше атап өтті, оның басты мақсаты — әрбір адамның әл-ауқатын арттыру. Делегация мүшелері сөз сөйлеп болғаннан кейін, облыс тұрғындары өздерін толғандыратын сұрақтарын қойып, оларға нақты жауаптарын алды.

Жұмыс сапарының келесі нысаны Тараз қаласындағы №5 қалалық емхана болды, онда Жамбыл облысында алғашқы медициналық-санитарлық көмек көрсету (АМСК) мәселелері бойынша кеңес өткізілді.

Күннің екінші жартысында Гүлшара Әбдіқалықова Жоғары политехникалық колледждің материалдық-техникалық жарақтандырылуымен танысып, онда студент жастармен кездесу өткізді. Ашық интерактивті әңгіме өрбіді. Жастар мемлекеттік жастар саясатын қолдайтындарын жеткізіп, адам капиталын дамытудың негізі ретінде білімнің басымдығынан бастап, әлеуметтік-еңбек саясатының жекелеген аспектілеріне дейін өзекті мәселелерді қозғады. Жамбыл ауданынан М. Рахымжанов бірқатар сындарлы тәсілдерді ұсына отырып, әріптестерінің назарын жастарды жұмыспен қамту мәселесіне аударды.

Өңірге жұмыс сапарының соңында ҚР Премьер-министрінің орынбасары  облыс басшылығына бірқатар нақты тапсырма берді.